រដូវកាល២០១៩-២០២០ ជារដូវកាលមួយដែលកីឡាករល្អៗ ចាស់ៗជាច្រើនបានសម្រេចចិត្តចាកចេញពី Premier League ក្នុងនោះ កីឡាករដែលគួរអោយចាប់អារម្មណ៏ជាងគេ គឺ David Silva របស់ក្រុមមេឃខៀវMan City។

លោក Pep Guardiola បានផ្តល់ចំណាប់អារម្មណ៏របស់ខ្លួនទៅលើការចាកចេញរបស់ខ្សែបម្រើសញ្ជាតិអេស្ប៉ាញរូបនេះ។ លោកថា វាស្ទើរតែមិនអាចទៅរួចក្នុងការរកកីឡាករម្នាក់ អោយមកជំនួសកន្លែងរបស់ David Silva។

លោកលើកឡើងថា៖ “ចុះកុងត្រារកកីឡាករណាដែលមានគុណភាពដូចគាត់ ពិតជាពិបាក់ណាស់ ជាពិសេសការប្រកួតប្រជែងចង់ឈ្នះរបស់ David Silva គ្មានអ្នកណាប្រៀបផ្ទឹមបានឡើយ។ គ្មានអ្នកណាអាចធ្វើចលនានៅលើទីលាន ដើម្បីបង្កើតចន្លោះគូប្រកួតដូចគាត់ឡើយ។”

គួរបញ្ជាក់ផងដែរថា David Silvaនឹងចាកចេញពី Man Cityរដូវកាលក្រោយក្រោយចំណាយពេល ១០ឆ្នាំជាមួយក្លឹប លេងបាន ៣០៩ ប្រកួត និងស៊ុតបញ្ចូលទី ៦០ គ្រាប់។

ប្រភព៖ Goal.com

from： https://tnaot.com/km/m/detail/article/9546276