ខែ្សបម្រើសញ្ជាតិប្រេស៊ីលគឺ Oscar បានបង្ហើបពីគោលបំណងរបស់ខ្លួនក្នុងការផ្ទេរសញ្ជាតិ ដើម្បីលេងឲ្យក្រុមជម្រើសជាតិចិន។

អតីតសមាជិករបស់ក្រុមតោខៀវ Chelsea នេះ បានចាកចេញពីកីឡដ្ឋាន Stamford Bridge កាលពីខែមករា ឆ្នាំ២០១៧ ដើម្បីចូលរួមជាមួយក្រុមស្ថិតក្នុងលីគកំពូលចិន Shanghai SIPG ក្នុងតម្លៃ៦០លានផោន ហើយចាប់តាំងពីពេលនោះមក រូបគេបានរួមចំណែកជួយក្រុមយ៉ាងច្រើន។

កីឡាករវ័យ២៨ឆ្នាំ បានស៊ុតបញ្ចូលទី២៤គ្រាប់ ក្នុងការលេង៧៩ប្រកួត បន្ទាប់ពីចំណាយពេល៣ឆ្នាំគិតត្រឹមពេលនេះ ខណៈកាលពីពេលថ្មីៗនេះ Oscar បានបង្ហើបអំពីលទ្ធភាពនៃការអាចចូលលេងឲ្យក្រុមជម្រើសជាតិចិន។

«ជាការពិតណាស់ ខ្ញុំកំពុងគិតអំពីរឿងនេះ ព្រោះថាវាពិបាកក្នុងការចូលក្នុងក្រុមជម្រើសជាតិប្រេស៊ីល ព្រោះថាខ្ញុំកំពុងនៅទីនេះ, តែក្នុងប្រទេសចិន មនុស្សគ្រប់គ្នាមើលឃើញថាខ្ញុំលេងល្អប៉ុណ្ណា» Oscar និយាយប្រាប់ Sportscene។

«ក្រុមបាល់ទាត់ជម្រើសជាតិចិនពេលនេះ ត្រូវការខ្សែបម្រើម្នាក់ ដូច្នេះខ្ញុំគិតថាខ្ញុំអាចជួយពួកគេបាន»៕

ប្រភព៖ Sportbibble

from： https://tnaot.com/km/m/detail/article/9541407