Sign In 
នៅក្នុងទ្រឹស្តីព្រះពុទ្ធសាសនាបានលើកគុណតម្លៃផ្លូវទាំង៨ឬអដ្ឋង្គិកមគ្គថាជាមាគ៌ាមានប្រយោជន៍ធំធេងណាស់សម្រាប់រកសុខសន្តិភាពជូនពិភពលោករស់នៅដោយសុខស្ងប់ ។
មាគ៌ាទាំង៨នោះគឺ សម្មាទិដ្ឋិ សេចក្តីយល់ត្រូវ១, សម្មាសង្កប្បោ ត្រិះរិះត្រូវ១, សម្មាវាចា សម្តីត្រូវ១, សម្មាកម្មន្តា ការងារត្រូវ១, សម្មាអាជីវោ ការចិញ្ចឹមជីវិតត្រូវ១, សម្មាវាយាមោ ព្យាយាមត្រូវ១, សម្មាសតិ សេចក្តីរឭកត្រូវ១, សម្មាសមាធិ ការតម្កល់ចិត្តត្រូវ១ ។
ផ្លូវទាំង៨នេះជាមាគ៌ាចម្បងឆ្ពោះទៅរកសន្តិភាពសម្រាប់សង្គមសាសនា និងសង្គមជាតិ ព្រះពុទ្ធទ្រង់បដិបត្តិតាមមាគ៌ាទាំង៨នេះរហូតបានសម្រេចនូវសម្មាសម្ពោធិញ្ញាណជាអគ្គបុគ្គលក្នុងលោកពុំមានបុគ្គលណាមួយស្មើនឹងព្រះអង្គឡើយ ។
ដោយ៖ កោះសន្តិភាព
