Sign In 
រាជធានីភ្នំពេញ៖ តុលាការបានសម្រេចដាក់ទោស ឧកញ៉ា សុខ ប៊ុន ឲ្យជាប់ពន្ធនាគារ៧ឆ្នាំ និងពិន័យជាប្រាក់ ១០លានរៀល។ សាលាដំបូងរាជធានីភ្នំពេញ កាលពីរសៀលថ្ងៃទី២៩ ខែកក្កដា ឆ្នាំ២០២០ កន្លងទៅនេះ បានប្រកាសសាលក្រមផ្តន្ទាទោសលើសំណុំរឿងឧកញ៉ា សុខ ប៊ុន និងបក្ខពួក៥នាក់ទៀត ពាក់ព័ន្ធករណីរំលោភយកដីសាធារណៈរបស់រដ្ឋនៅសង្កាត់កោះរ៉ុង ខេត្តព្រះសីហនុ ។
ការប្រកាសសាលក្រមនោះ បន្ទាប់ពីប្រធានក្រុមប្រឹក្សាជំនុំជម្រះ បានបញ្ចប់ការសាកសួរដេញដោលលើជនសង្ស័យទាំង៦នាក់ កាលពីថ្ងៃទី៣ ខែកក្កដា ឆ្នាំ២០២០ កន្លងមកនេះ ។
សាលក្រមបានផ្តន្ទាទោស ១-ឧកញ៉ា សុខ ប៊ុន ភេទប្រុស អាយុ៤១ឆ្នាំ ផ្តន្ទាទោសដាក់ពន្ធនាគារកំណត់៧ឆ្នាំ នឹងពិន័យជាប្រាក់ចូលថវិការរដ្ឋចំនួន១០លានរៀល ២-ឈ្មោះ អ៊ុង និត ភេទប្រុស អាយុ៥០ឆ្នាំ មុខរបរ ជាប្រធានក្រុម ប្រឹក្សាសង្កាត់កោះ រ៉ុង ផ្តន្ទាទោសដាក់ពន្ធនាគារកំណត់៥ឆ្នាំ ពិន័យជាប្រាក់ចូលថវិការរដ្ឋចំនួន១០លានរៀល ៣-ឈ្មោះ សេង ហួលាង ភេទប្រុស អាយុ៤៨ឆ្នាំ មុខរបរចៅសង្កាត់កោះរ៉ុង ផ្តន្ទាទោសដាក់ពន្ធនាគារកំណត់៧ឆ្នាំ នឹងពិន័យជាប្រាក់ចូលថវិការរដ្ឋចំនួន១០លានរៀល ។
៤-ឈ្មោះ ហែម សាឡេះ ភេទប្រុស អាយុ៥៣ឆ្នាំ មុខរបរជាសមាជិកក្រុមប្រឹក្សាសង្កាត់កោះរ៉ុង ផ្តន្ទាទោសដាក់ពន្ធធនាគារកំណត់១០ឆ្នាំ ពិន័យជាប្រាក់ចូលថវិការរដ្ឋចំនួន១០លានរៀល ៥-ឈ្មោះ កែវ សោម ភេទប្រុស អាយុ៥១ឆ្នាំ មុខរបរ ចៅសង្កាត់រងទី២ នៃសង្កាត់កោះរ៉ុងផ្តន្ទាទោសដាក់ពន្ធនាគារកំណត់៦ឆ្នាំ នឹងពិន័យជាប្រាក់ចូលថវិការរដ្ឋចំនួន១០លានរៀល និង៦-ឈ្មោះ កែវ ពៅ ភេទប្រុស អាយុ៦១ឆ្នាំ មុខរបរ ជាមេ ភូមិ ព្រែក ស្វាយ សង្កាត់កោះរ៉ុង ផ្តន្ទាទោសដាក់ពន្ធនាគារកំណត់៧ ឆ្នាំ នឹងពិន័យជាប្រាក់ចូលថវិការរដ្ឋចំនួន១០លានរៀល ។ សាលក្រមនេះបានបើកផ្លូវទុកសិទ្ធិឲ្យប្តឹងឧទ្ធរណ៍តាមកំណាត់ច្បាប់ ។
សូមរំលឹកថា ជនជាប់ចោទ ត្រូវបានតំណាងអយ្យការចោទប្រកាន់ជាផ្លូវការពីបទ.បំផ្លាញដោយចេតនា និងគៃបំបាត់ដោយទុច្ចរិត ក្លែងបន្លំឯកសារសាធារណៈ និង ប្រើប្រាស់ឯកសារសាធារណៈក្លែង ពាក់ពន្ធរំលោភយកដីសាធារណៈរបស់រដ្ឋជាង៥០០ ហិកតា ប្រព្រឹត្តកោះរ៉ុង ក្រុង.ខេត្តព្រះសីហនុ ក្នុងអំឡុងឆ្នាំ២០១៦ ដល់ឆ្នាំ២០១៩ តាបញ្ញាតិមាត្រា៦០១.៥៩២. ៥៩៣.៦២៩ និង៦៣០ នៃក្រមព្រហ្ម ។
ជនសង្ស័យទាំង៦នាក់ ត្រូវបានអង្គភាពប្រឆាំងអំពើពុករលួយហៅកាត់ថាACU ឃាត់ខ្លួនជាបន្តបន្ទាប់ នឹងបានបញ្ជូនទៅកាន់សាលាដំបូងរាជធានីភ្នំពេញ កាលពីថ្ងៃទី២៤ ខែមិថុនា ឆ្នាំ ២០១៩ ដើម្បីធ្វើការសាកសួរជុំវិញការចោទប្រកាន់នោះ ។
ក្រោយពីសាកសួរអស់រយៈពេលពេញមួយថ្ងៃ តំណាងអយ្យការក៏បានធ្វើការចោទប្រកាន់ពួកគេជាផ្លូវការណ៍ និងចាត់ទៅចៅក្រមស៊ើបសួរសម្រេចឃុំខ្លួនដាកពន្ធនាគារតែម្តងទៅ ។ អ្នកតាមដានបានរង់ចាំមើលជោគវាសនារបស់ក្រុមឧកញ៉ា សុខ ប៊ុន ដែលសាលក្រម និងប្រកាសធ្វើឡើងនៅថ្ងៃទី២៩ ខែកក្កដា ខាងមុខនេះ ៕ ត្នោត
