ក្រោយនាំចូលខ្សែបម្រើ Adam Lallana ពីក្លិប Liverpool បានប៉ុន្មានថ្ងៃកន្លងទៅ ពេលនេះក្លិប Brighton ឈានដល់កិច្ចព្រមព្រៀងមួយទៀត គឺការចុះហត្ថលេខាយកខ្សែការពារហូឡង់ Joel Veltman របស់ Ajax ក្នុងកិច្ចសន្យារយៈពេល ៣ ឆ្នាំ។

កីឡាករវ័យ ២៨ ឆ្នាំរូបនេះ មានសមត្ថភាពអាចលេងបាននៅតំបន់ខ្សែការពារកណ្តាល និងខាងស្តាំ បន្ទាប់ពីរួមរស់ជាមួយ Ajax អស់រយៈពេល ៨ រដូវកាលមក ហើយជួយឱ្យក្លិបឈ្នះពានលីគកំពូលរបស់ប្រទេសហូឡង់ចំនួន ៣ សម័យកាល និងពានក្នុងស្រុកជាច្រើនទៀត។

អ្នកចាត់ការទូទៅក្លិប Brighton លោក Graham Potter បាននិយាយថា “យើងពិតជារីករាយណាស់ដែលគាត់ [Veltman] ផ្លាស់មកចូលរួមជាមួយក្លិប។ គាត់ជាខ្សែការពារមានបទពិសោធន៍ច្រើនជាមួយ Ajax ។ គាត់ទន្ទឹងរង់ចាំការប្រកួតប្រជែងក្របខ័ណ្ឌ Premier League នៅរដូវកាលក្រោយ។ យើងពិតជារីករាយណាស់ដែលគាត់បានក្លាយជាកីឡាករ Brighton”៕

កែសម្រួលដោយ៖ ភារ៉ា

ប្រភព៖ livescore

from： https://tnaot.com/km/m/detail/article/9539301