ខ្សែប្រយុទ្ធវ័យ ២៣ ឆ្នាំ Timo Werner បានបង្ហើបពីមូលហេតុនៅពីក្រោយ ការសម្រេចចិត្តផ្លាស់មកក្លឹប Chelsea នេះបើទោះជាមានក្លឹបធំៗដទៃទៀតចាប់អារម្មណ៏ក៏ដោយចុះ។

មូលហេតុនោះគឺ Frank Lampard។ Werner បានបញ្ជាក់ថា៖“Lampard គឺជាមូលហេតុសំខាន់។ ពួកយើងបាននិយាយគ្នាច្រើនពីប្រពន្ធ័លេង របៀបនៃការគ្រប់គ្រងរបស់គាត់ និងមូលហេតុដែលប្រពន្ធ័លេងនោះត្រូវគ្នានឹងទម្រង់លេងផ្ទាល់ខ្លួនរបស់ខ្ញុំ។”

Werner បន្តថា៖ “Lampardជាមនុស្សល្អម្នាក់។ គាត់មិនត្រឹមតែចង់ជួយខ្ញុំក្នុងនាមជាកីឡាករល្អនោះទេ តែគាត់ចង់អោយខ្ញុំក្លាយជាបុគ្គលអស្ចារ្យក្នុងនាមជាមនុស្សធម្មតាផងដែរ។”

គួរបញ្ជាក់ផងដែរថា កីឡាករសញ្ជាតិអាល្លឺម៉ង់រូបនេះចូលរួមជាមួយក្លឹបតោខៀវ នារដូវក្តៅនេះក្នុងតម្លៃខ្លួន ៤៧.៥ លានផោន និងបានចុះកុងត្រាពេល៥ឆ្នាំជាមួយក្លឹប។ គេនឹងចាប់ផ្តើមធ្វើការជាមួយក្លឹបនារដូវកាលក្រោយ។

ប្រភព៖ Goal.com

from： https://tnaot.com/km/m/detail/article/9535534