Sign In 
តាមពិតទៅពាក្យថា សំណាងនេះគឺលោកសំដៅទៅលើទង្វើដែលគេធ្វើ ឬអ្វីដែលជាសមិទ្ធផលនៃការសាងមក ។ ដូនេះពាក្យថាព្រេងសំណាង មិនមែនសំដៅតែទៅលើបុណ្យពីជាតិមុនតែម្យ៉ាងនោះឡើយ គឺអ្វីៗទាំងឡាយដែលគេបានធ្វើហើយពីកាលមុនមក ដោយរួមទាំងពីអតីតជាតិ និងក្នុងជាតិនេះផង ឈ្មោះថាសំណាង ។
ឧទាហរណ៍ៈ សេចក្តីល្អដែលយើងបានសាងមកកាលពីក្នុងជាតិមុនមក ហើយឱ្យផលក្នុងជាតិនេះ ក៏ឈ្មោះសំណាង ឬហៅព្រេងសំណាងក៏បាន ។ ចំណែកឯចំណេះវិជ្ជាដែលយើងបានសិក្សារៀនសូត្រចេះស្ទាត់ហើយ ក៏ចាត់ទុកថាជាភ័ព្វសំណាងរបស់យើងដែរ ព្រោះបានចំណេះនោះជួយលើកជីវិតយើងឱ្យបានខ្ពង់ខ្ពស់ ថ្កុំថ្កើង ។
ហេតុនេះបើបុគ្គលណានិយាយថា ពឹងលើសំណាង មានន័យថាគឺពឹងលើអ្វីដែលគេបានធ្វើរួចហើយ នេះជាខ្លឹមសារនៃពាក្យថា សំណាង ។ដោយ៖ កោះសន្តិភាព
