ខ្សែប្រយុទ្ធសញ្ជាតិបារាំង Kylian Mbappe នឹងអវត្តមានមិនបានលេង Champion League អោយ PSG ឡើយក្នុងវគ្គ៨ក្រុមចុងក្រោយនេះ ក្រោយទទួលរងរបួសកាលពីវគ្គផ្តាច់ព្រ័ត្រ Coupe de France ជួបជាមួយនឹង Saint-Etienne។

តាមការប្រកាសព័ត៌មានផ្លូវការរបស់ក្លឹបPSG កីឡាកររូបនេះនឹងអវត្តមានយ៉ាងតិច ៣ សប្តាហ៏ នោះមានន័យថាគេមិនអាចលេងបានទល់នឹងក្រុម Atalanta ដែលធ្វើឡើងនៅថ្ងៃ ១២ សីហាខាងមុខនេះទេ។ ទោះជាយ៉ាងណា Mbappe អាចនឹងជាទាន់ វគ្គពាក់កណ្តាលផ្តាច់ព្រ័ត្រ្ត បើសិនជា PSG អាចយកឈ្នះវគ្គ៨ក្រុមបាន។

គួរបញ្ជាក់ផងដែរថា ការប្រកួតរវាង PSGនិង Atalanta ជាជំនួបដ៏តានតឹងមួយដែរ បើទោះជា PSG មើលទៅហាក់មានប្រៀបជាង តែក្រុម Atalanta របស់ Serie A មួយនេះក៏មានទម្រង់លេងល្អដែរដោយស៊ុតបានរហូតដល់ ៩៦ គ្រាប់ត្រឹម ៣៦ ប្រកួតនៅSerie A។

ប្រភព: Goal.com

from： https://tnaot.com/km/m/detail/article/9532150