Sign In 
“ព្រះស្ទឹង” ប្រាសាទមានព្រហ្មមុខបួនដ៏កម្រសម្ងំលាក់ខ្លួនក្នុងទឹកដីខេត្តព្រះវិហារ
កន្លងមកធ្លាក់តែដឹងថាប្រាសាទស្ថិតក្នុងរចនាបថបាយ័ន មានលម្អចម្លាក់ព្រហ្មមុខបួនមាននៅខេត្តសៀមរាប និងបន្ទាយមានជ័យជាដើម ប៉ុន្តែជាក់ស្ដែងនៅព្រះវិហារក៏មានដូចគ្នាដែរ។
ប្រាសាទព្រហ្មមុខបួនប៉ុន្តែមិនសូវមានអ្នកស្គាល់ដូចបាយ័ន និងបន្ទាយឆ្មារនោះ មានឈ្មោះថា “ព្រះស្ទឹង” ដែលមានទីតាំងស្ថិតនៅ ភូមិតាសែង ឃុំរណសិរ្ស ស្រុកសង្គមថ្មី ខេត្តព្រះវិហារ។ ប្រាសាទនេះកសាងឡើងនៅចុងសតវត្សរ៍ទី១២ និងដើម១៣ នៃរចនាបថបាយ័នក្នុងរាជ្យព្រះបាទជ័យវរ្ម័នទី៧។
ព្រះស្ទឹងស្ថិតក្នុងក្រុមប្រាសាទកំពង់ស្វាយដែលភាគច្រើនកសាងឡើងសម្រាប់ឧទ្ទិសដល់ព្រះពុទ្ធសាសនា (មហាយាន និងហីនយាន)។ ប្រាសាទរងការបាក់បែកខ្លាំងដោយសារកត្តាអាយុកាល, ធម្មជាតិ និងបំផ្លាញដោយមនុស្ស។
ប្រាសាទនេះសង់ឡើងពីថ្មភក់ និងថ្មបាយក្រៀម បច្ចុប្បន្នតួប៉មដែលមានចម្លាក់លោកេស្វរៈ ឬព្រហ្មមុខបួននៅរក្សាទ្រង់ទ្រាយបានល្អគួរសមប៉ុន្តែរចនាសម្ព័ន្ធ និងផ្នែកផ្សេងទៀតរបស់ប្រាសាទរងការខូចខាតគួរឲ្យបារម្ភ ទាមទារការសង្គ្រោះពីអាជ្ញាធរជំនាញ៕
