Sign In 
ខេត្តត្បូងឃ្មុំ ៖ កម្លាំងនគរបាលជំនាញ នៃអធិការដ្ឋាននគរបាលស្រុកមេមត់ ចុះឃាត់ខ្លួនជនសង្ស័យ ដែលមានចេតនាយកទឹកអាស៊ី ជះទៅលើជនរងគ្រោះ ជាឪពុកក្មេកបណ្ដាលឱ្យរងរបួសធ្ងន់ ករណីនេះកេីតឡេីងនៅថ្ងៃទី២៣ ខែកក្កដា ឆ្នាំ២០២០ វេលាម៉ោង១៦:៣០នាទី ត្រង់ចំណុចភូមិម៉ាស៊ីន ឃុំរូង ស្រុកមេមត់។ 
យោងតាមប្រភពព័ត៌មានអោយដឹងថាកូនប្រសាចិត្តសឿងមួយរូបបានយកទឹកអាស៊ីតជះលេីឪពុកក្មេក បណ្តាលអោយរបួសធ្ងន់ធ្ងរ ដោយសារ តែខឹងនរងគ្រោះស្រវឹងស្រាម្តងៗកាន់កណ្ដៀវដងវែងទៅរករឿងខ្លួន ។ 
ជនរងគ្រោះ ជាឪពុកក្មេក) ឈ្មោះ អំ សាន អាយុ៥៥ឆ្នាំ រស់នៅភូមិ-ឃុំជាមួយគ្នាបណ្ដាលឱ្យរងរបួសធ្ងន់ រីឯជនសង្ស័យឈ្មោះ យឹង សំអាត ភេទប្រុស អាយុ២៨ឆ្នាំ ជាតិ ខ្មែរ មានទីលំនៅភូមិ-ឃុំ កើតហេតុខាងលើ។ 
ជនសង្ស័យសារភាពថា ខ្លួនពិតជាបាន ជះទឹកអាស៊ីតទៅលើឪពុកក្មេកប្រាកដមែន ក្នុងខណៈពេលឪពុកក្មេកស្រវឹងស្រា កាន់កណ្ដៀវដងវែងទៅរករឿងខ្លួន ។ក្រោយធ្វើកំណត់ហេតុចប់ ជនសង្ស័យ
ត្រូវបានកម្លាំងជំនាញកសាងសំណុំរឿងចាត់ការតាមនីតិវិធី ៕ ដោយ ផេងភាព
