Sign In 
មនុស្សជាច្រើន ដែលស្ថិតនៅក្នុងវ័យកុមារភាព វ័យជំទង់ ពេញវ័យ និងចាសជរាជាដើមនេះ គឺត្រូវបានរកឃើញថា កើតមាននូវជំងឺធ្លាក់ទឹកចិត្ត ជំងឺភ័យខ្លាច និងថប់បារម្ភ។
បើតាមក្រសួងសុខាភិបាលបានបញ្ជាក់ថា អង្គការសហប្រជាជាតិ បានរកឃើញថា ការរាតត្បាតនៃវីរុសកូវីដ១៩ គឺជាដើមហេតុ ដែលនាំឱ្យមានផលវិជ្ជមាន លើសុខភាពផ្លូវចិត្តរបស់ក្រុមអ្នករងគ្រោះ ខាងលើនេះ។
អង្គការសហប្រជាជាតិ បានសង្កេតឃើញថា មានជំងឺធ្លាក់ទឹកចិត្ត ជំងឺភ័យខ្លាច ឬថប់បារម្ភ មានការកើនឡើង៣ដង ដែលមានអត្រាប្រេវាឡង់ កើនពី៣៥%ទៅ៦០% ក្នុងចំណោមប្រជាពលរដ្ឋទូទៅ។
ក្រសួងសុខាភិបាលក៏បានបញ្ជាក់ដែរថា ការប្រើប្រាស់គ្រឿងស្រវឹង និងគ្រឿងញៀន ក៏មានកំណើនប្រមាណ២០% ក្នុងចំណោមក្រុមមនុស្សអាយុពី១៥ឆ្នាំដល់៤៩ឆ្នាំ ហើយបញ្ហាសុខភាពផ្លូវចិត្ត លើកុមារ និងវ័យជំទង់ក៏មានការប៉ះពាល់ដែរ ដែលអត្រាប្រេវ៉ាឡង់មានប្រមាណ៣០%ទៅ៧៧%។ ដោយ៖ត្នោត
