Sign In 
លោក កូយ កាន់យ៉ា ព្រះរាជអាជ្ញាអយ្យការអមសាលាដំបូង ខេត្តពោធិ៍សាត់ បានចេញដីកាបង្គាប់ឱ្យចាប់ខ្លួនជនសង្ស័យឈ្មោះ ប៉ោះ ខ្ញី ភេទប្រុស អាយុ៥០ឆ្នាំ រស់នៅក្នុងភូមិព្រែក១ ឃុំសំរោង ស្រុកភ្នំក្រវាញ ខេត្តពោធិ៍សាត់ ពាក់ព័ន្ធនឹងករណីលួងលោមកូនស្រីបង្កើតរួមភេទ តាំងពីនាងមានអាយុ១២ឆ្នាំ រហូតដល់នាងអាយុ២០ឆ្នាំ នឹងបានរៀបការប្តីរួចហើយ។
ហេតុការណ៍ឃាត់ខ្លួនបុរសខាងលើនេះ ត្រូវបានធ្វើឡើង កាលពីវេលាម៉ោង១២និង៣០នាទី ថ្ងៃទី១៩ កក្កដា ឆ្នាំ២០២០ ស្ថិតនៅត្រង់ចំណុចភូមិព្រែក១ នៃឃុំសំរោង ស្រុកភ្នំក្រវាញ។
បើតាមប្រភពពីសមត្ថកិច្ចបានឱ្យដឹងថា ជនសង្ស័យជាឪពុកបង្កើត បាននិយាយលួងលោម ទទូចសុំអង្វរកូនស្រី រួមភេទជាមួយគ្នាបន្តទៀត ក្រោយពេលនាងបានរៀបការរួចហើយ។ បន្ទាប់មកជន សង្ស័យបានឲ្យនារីរងគ្រោះ ឡើងដេកលើគ្រែ រួចចាប់ផ្តើមរួមភេទជាមួយនារីរងគ្រោះ រហូតបានសម្រេច។
ជនសង្ស័យដែលជាឪពុក ក៏បានទទូចសុំអង្វរកូនស្រីម្តងទៀត ដោយសុំដេកជាមួយកូន៥ដង ក្នុង១ខែ ដោយសន្យាថា នឹងឱ្យលុយចំនួន៥ម៉ឺនរៀល។ នៅពេលលឺដូច្នេះ នាទីរងគ្រោះមិនយល់ព្រម រួចក៏សម្រេចចិត្ត ដាក់ពាក្យប្តឹងនៅការិយាល័យប៉ុស្តិ៍សំរោង ដើម្បីជួយអន្តរាគមន៍ និងធ្វើការឃាត់ខ្លួនជនសង្ស័យតែម្តង។
ជាមួយគ្នានេះ ជនសង្ស័យបានសារភាពថា ខ្លួនពិតជាបានលួងលោមរួមភេទ ជាមួយកូនស្រីបង្កើត ប្រាកដមែន គឺតាំងពីនាងអាយុ១២ឆ្នាំ រហូតមកដល់ពេលនាងមានគ្រួសារទៅហើយ ក៏បុរសជា ឪពុក នៅតែសុំកូនស្រីរួមភេទជាមួយគ្នាបន្តទៀតដែរ។
ជុំវិញរឿងនេះ ជនសង្ស័យ ត្រូវបានឃុំខ្លួននៅអធិការដ្ឋានស្រុកភ្នំក្រវាញ ដើម្បីកសាងសំនុំរឿង និងមនុស្សបញ្ជូនទៅតុលាការ ចាត់វិធានការតាមផ្លូវច្បាប់៕ ដោយ៖ ត្នោត
