Sign In 
យោងតាមមន្ត្រីប៉ូលិសបានឱ្យដឹងថាបុរសជនជាតិឥណ្ឌាម្នាក់បានលង់ទឹកស្លាប់នៅព្រឹកថ្ងៃចន្ទនេះ បន្ទាប់ពីបានទៅលេងទឹកនៅឯឆ្នេរមួយក្នុងទីក្រុង pattaya។
ជនរងគ្រោះមិនត្រូវបានបញ្ចេញឈ្មោះនោះទេ ហើយអាជ្ញាធរកំពុងជូនដំណឹងទៅស្ថានទូតនិងក្រុមគ្រួសាររបស់គាត់នៅព្រឹកនេះ។ ឧប្បត្តិហេតុបានកើតឡើងនៅម៉ោង ៤ ទៀបភ្លឺនៅលើឆ្នេរ pattaya។ ដំបូងឡើយជនរងគ្រោះដែលមានអាយុប្រហែល ២០ឆ្នាំរូបនេះបានដើរកម្សាន្តនៅលើឆ្នេរខ្សាច់ជាមួយជនបរទេសនិងជនជាតិថៃមួយក្រុម ប៉ុន្តែក្រោយមករូបគេក៏សម្រេចចិត្តទៅហែលទឹកតែម្នាក់ឯង។ ក្រោយពេលបាត់ខ្លួនជនរងគ្រោះមួយសន្ទុះធំ ក្រុមមិត្តភក្តិ ក៏បានចាប់ផ្តើមស្វែងរកនិងអំពាវនាវឱ្យអាជ្ញាធរជួយរកផងដែរ។ ក្រោយមកសាកសពជនរងគ្រោះត្រូវបានគេរកឃើញ។
មូលនិធិជួយសង្គ្រោះ Sawang Boriboon បានព្យាយាមសង្គ្រោះបុរសនោះយ៉ាងស្រាក់ស្រាំ ប៉ុន្តែការខិតខំនេះបានបរាជ័យ។ មិត្តភក្តិរបស់ជនរងគ្រោះបានប្រាប់ប៉ូលិសថា ជនរងគ្រោះមិនសូវចេះហែលទឹកប៉ុន្មាននោះទេ។ ប៉ូលិសកំពុងស៊ើបអង្កេតជាបន្តថាតើជនរងគ្រោះមានពិសាគ្រឿងស្រវឹងមុនពេលកើតហេតុដែរឬទេ៕
កែសម្រួលដោយ៖ ភារ៉ា
ប្រភព៖ The pattaya news
