ក្រុមហ៊ុនស្មាតហ្វូនប្រេន Samsung បានប្រកាសព្រឹត្តិការណ៍ “Galaxy Unpacked for Every Fan”(ស្រាយកញ្ចប់ Galaxy សម្រាប់ហ្វេនទាំងអស់) នៅថ្ងៃទី២៣ ខែកញ្ញា ខាងមុខនេះ។ ព្រឹត្តិការណ៍នេះនឹងចាប់ផ្ដើមនៅម៉ោង ៧:៣០ ព្រឹក(ម៉ោងឥណ្ឌា) ហើយនឹងមានការចាក់ផ្សាយផ្ទាស់លើ Samsung Newsroom និងវែបផ្សាយផ្លូវការរបស់ Samsung។

ក្រុមហ៊ុននៅមិនទាន់បានបញ្ចេញព័ត៌មានថាតើផលិតផល ឬស្មាតហ្វូនមួយណានឹងប្រកាសនៅក្នុងព្រឹត្តិការណ៍ដែលនឹងមកដល់ឆាប់ៗនេះនៅឡើយទេ។ ប៉ុន្តែបើតាមពាក្យចចាមរាមទំនងជា Samsung នឹងបង្ហាញ Galaxy S20 FE(Fan Edition) នៅក្នុងព្រឹត្តិការណ៍ Galaxy Unpacked for Every Fan។

(ប្រភពវីដេអូ៖ Samsung Mobile)

វីដេអូរយៈពេល ១៥ វិនាទីដែល Samsung បានផ្សាយលើទំព័រ Twitter បានផ្សាព្វផ្សាយទៅគ្រប់បណ្ដាលអ្នកគាំទ្រ ហើយគេសង្កេតឃើញថាពាក្យ Galaxy អក្សរ A ត្រូវជំនួសដោយរូបទូរសព្ទហើយលោតប្ដូរពណ៌ជាច្រើនដង ដែលធ្វើគេសង្ស័យថាវាអាចជាពណ៌ទូរសព្ទ Galaxy ហៀបនឹងចេញដោយក្នុងនោះមានពណ៌ ខៀវ បៃតងស្រាល ផ្កាឈូក ទឹកក្រូច និងក្រហម។

ភ្ជាប់ជាមួយចំណងជើងពីលើវីដេអូថា “យើងសួរ អ្នកឆ្លើយ យើងផ្ដល់ជូន នេះគឺជា Galaxy សម្រាប់អ្នកគាំទ្រទាំងអស់។ ស្រាយកញ្ចប់នៅថ្ងៃទី ២៣ ខែកញ្ញា ឆ្នាំ២០២០។ #SamsungEvent” ប្រែសម្រួលដោយ៖ រីតា

from： https://tnaot.com/km/m/detail/article/9690075