អស្ចារ្យណាស់! រម្លឹក២០ឆ្នាំមុនការថតរឿងហូលីវូដ Tomb Raider នៅអង្គរធ្វើឲ្យកក្រើកពិភពលោក

កម្សាន្ត

អស្ចារ្យណាស់! រម្លឹក២០ឆ្នាំមុនការថតរឿងហូលីវូដ Tomb Raider នៅអង្គរធ្វើឲ្យកក្រើកពិភពលោក

09/14/2020

គេនៅចាំមិនភ្លេច Tomb Raider គឺជាខ្សែភាពយន្តហូលីវូដដ៏លេចធ្លោបំផុតមួយនៅដើមសតវត្សទី២១ ដែលបានជ្រើសរើសទីតាំងថតនៅតំបន់បេតិកភណ្ឌប្រវត្តិសាស្ត្រពិភពលោកអង្គរ នាខេត្តសៀមរាបកាលពីឆ្នាំ២០០១។

មានចំណងជើងផ្លូវការថា Lara Croft: Tomb Raider តួឯកស្រីក្នុងរឿងគឺអ្នកស្រី Angelina Jolie សម្ដែងជាតួមានឈ្មោះថា Lara Croft។ រឿងនេះបានថតនៅប្រាសាទអង្គរវត្ត, តាព្រហ្ម និងប្រាសាទជាច្រើនទៀតដែលធ្វើឲ្យពិភពលោកស្គាល់កម្ពុជាកាន់តែច្បាស់ ហើយរកចំណូលបានរហូតដល់ ៤៣២លានដុល្លារអាមេរិក។

Paramountគឺជាផលិតកម្មយក្សដែលនៅពីក្រោយការផលិតរឿងដ៏អស្ចារ្យនេះ ដែលជាស្នាដៃដឹកនាំសម្ដែងរបស់លោក Simon West បានចំណាយទឹកប្រាក់ផលិតអស់១១៥លានដុល្លាអាមេរិក។ ក្រៅពីកំពូលតារាសម្តែង Angelina Jolie ក៏នៅមានលោក Daniel Craig ដែលទស្សនិកជនស្គាល់ថាជា 007 James Bond ម្នាក់ទៀតក៏មានវត្តមានក្នុងខ្សែភាពយន្តនេះដែរ។ ភាពយន្ត Lara Croft: Tomb Raider មួយនេះគឺជាភាពយន្តបែបផ្សងព្រេង បាញ់ប្រហារ លាយឡំជាមួយនឹងការស្វែងរកវត្ថុបុរាណដែលបានបែកចេញជាពីរចំណែក។ បំណែកទីមួយបានលាក់ទុកនៅក្នុងប្រាសាទបុរាណនៃប្រទេសកម្ពុជា គឺប្រាសាទតាព្រហ្ម និងបំណែកទីពីរត្រូវបានលាក់ទុកនៅក្នុងរូងទឹកកកនៅ Siberia។

នៅឆ្នាំ២០១៨រឿង Tomb Raider វគ្គថ្មីនេះត្រូវថតនៅប្រទេសអាហ្រិកខាងត្បូងវិញហើយ Alicia Vikander គឺជាតួឯកស្រី។ លោក Roar Uthaug ជាអ្នកសរសេរ Script អោយរឿង Transformers: The Last Knight គឺជាអ្នកដឹកនាំរឿងថ្មីនេះ៕