ប្តីប្រពន្ធមួយគូត្រូវ​ចាប់ខ្លួនកាលពីម្សិលមិញបន្ទាប់ពីត្រូវបានគេចោទប្រកាន់ពីបទ​លួច​ធុងហ្គាសនៅ​ក្រុង Pattaya។

មន្ត្រីប៉ូលិសក្រុង Pattaya ​ដឹកនាំដោយវរសេនីយ៍ឯក Chainarong Jitsoonthorn បានចាប់ខ្លួនលោក​ Yon Wongsuk អាយុ ៤៤ឆ្នាំ និង​ប្រពន្ធឈ្មោះ Sakorn Poomjaroen អាយុ ៣៦ឆ្នាំ ស្នាក់នៅក្នុង​បន្ទប់ជួលមួយនៃតំបន់ Jomtien កាលពីម្សិលមិញ។

​ការចាប់ខ្លួនបានធ្វើឡើងបន្ទាប់ពីជនសង្ស័យត្រូវបាន​គេឃើញនៅក្នុងកាមេរ៉ាសុវត្ថិភាព​ពេលកំពុងលួចធុងហ្គាសពីភោជនីយដ្ឋានមួយនៅភូមិ​ Soi៩ និងសណ្ឋាគារមួយទៀតនៅផ្លូវ Pattaya ទី២។ម្ចាស់​ភោជនីយដ្ឋានទាំងពីរបាន​របាយការណ៍​និងបង្ហាញភស្តុតាង​នៅក្នុងកាមេរ៉ាសុវត្ថិភាពទៅមន្ត្រីប៉ូលិស​។

ជន​ល្មើសទាំង២នាក់បានសារភាពថាពួកគេតែងតែលួច​ធុងហ្គាសជាប្រចាំហើយយកទៅលក់បន្តនៅតូបលេខ២ ក្នុងតម្លៃ ៨០០បាតនៃធុងនីមួយៗ។​ ជនល្មើសទាំង២នាក់បានប្រាប់មេបញ្ជាការ Chainarong ថាពួកគេធ្លាប់ធ្វើការនៅការដ្ឋានសំណង់មួយប៉ុន្តែថៅកែមិន​បើកប្រាក់ខែឱ្យ​។ ដោយមិនអាចរកការងារផ្សេងទៀតបាន​រួមទាំងមានបំណុល​ផងនោះ ពួកគេក៏សម្រេចចិត្ត​លួចដើម្បី​ដោះបំណុលនិងចាយវាយប្រចាំថ្ងៃ។  

កែសម្រួលដោយ៖ ភារ៉ា

ប្រភព៖ the pattaya news

from： https://tnaot.com/km/m/detail/article/9501924