Sign In 
ភ្នំពេញ៖ អតីតនាយការិយាល័យចរាចរណ៍ផ្លូវគោក នៃស្នងការដ្ឋាននគរបាល ខេត្តកំពង់ធំ លោក រុំ សុវិជ្ជា ត្រូវបានរាជរដ្ឋាភិបាល បានចេញអនុក្រឹត្យ បន្ថយឋានន្តរស័ក្ដិពី លោកវរៈសេនីយ៍ឯក មកនៅត្រឹមថ្នាក់ វរៈសេនីយ៍ត្រី ក្នុងករណីផឹកស្រាស្រវឹងជោកជាំ បើករថយន្តបុករនាំង បរិវេណរូបសំណាក លោកតាអាចារ្យលាក់ និិងស្រែកជេរប្រមាថអភិបាលខេត្តកំពង់ធំ លោក សុខ លូ ។ នេះបើតាមអនុក្រឹត្យ ចុះថ្ងៃទី៣០ ខែមិថុនា ឆ្នាំ២០២០ ។
គួររំលឹកថា កាលពីយប់ ថ្ងៃទី១៥ ខែឧសភា ឆ្នាំ២០២០ លោក រុំ សុវិជ្ជា ត្រូវបាន នាយឧត្តមសេនីយ៍ នេត សាវឿន អគ្គស្នងការនគរបាលជាតិ និង សម្ដេចក្រឡាហោម ស ខេង ដកហូតតួនាទីពីនាយការិយាល័យ មកជាមន្ត្រីបង្ហាញខ្លួននៅនាយកដ្ឋានបុគ្គលិករួចមកហើយ ៕ដោយ សួង សាម
