Sign In 
ខេត្តកំពត ៖ រថយន្តសណ្ដោងដឹកថ្មធ្យូងមួយគ្រឿងត្រូវបានក្រឡាប់ជាប់នៅនឹងផ្ទះអ្នកស្រុកមួយគ្រួសារ ប៉ុន្តែសំណាងល្អមិនមានមនុស្សណាម្នាក់បានបាត់បង់ជីវិតទេ តែអ្នកបើកបររថយន្តម្នាក់ដែលគេសង្ស័យថាស្លាប់ពេលដែលបញ្ជូនទៅកាន់ស្រុកមន្ទីរពេទ្យបង្អែកកំពង់ត្រាច។ ហេតុការណ៍គួរឲ្យរន្ធត់នេះបានកើតឡើងកាលពីវេលាម៉ោង៥ និង៣០នាទីព្រឹក ថ្ងៃទី១០ ខែកញ្ញា ឆ្នាំ២០២០ នៅលើកំណាត់ផ្លូវលេខ៣៣ ត្រង់ចំណុចភូមិដើមចារ ឃុំកំពង់ត្រាចខាងលិច ស្រុកកំពង់ត្រាច ខេត្តកំពត។
លោក សេង រតនា អធិការងទទួលផែនសណ្ដាប់ធ្នាប់ និងចរាចរណ៍បានប្រាប់ឲ្យដឹងថា រថយន្តទំនើបផលិតនៅសហរដ្ឋអាមេរិកនេះបានដឹកថ្មធ្យូងតាមបណ្ដោយផ្លូវលេខ៣៣ ក្នុងទិសដៅពីលិចទៅកើតតែមកដល់ចំណុចផ្លូវកោងនោះស្រាប់តែរថយន្តមួយគ្រឿងដឹកថ្មធ្យូងនោះបានក្រឡាប់តែម្ដង។
លោកសេង រតនា អះអាងថា រថយន្តដែលបង្កគ្រោះថ្នាក់ដោយខ្លួនឯងនេះខូចខាតយ៉ាងធ្ងន់ធ្ងរបំផុត ចំណែកអ្នកបើកបររងគ្រោះធ្ងន់អាចនឹងស្លាប់ ប៉ុន្តែខាងនគរបាលមិនទាន់ស្គាល់អត្តញ្ញាណទៅឡើយ។
លោក សេង រតនា អធិការងនគរបាលស្រុកបាននិយាយថា ការសង្ស័យដំបូងគ្រោះថ្នាក់ក្រឡាប់រថយន្តនេះមកពីអ្នកបើកបរងងុយដេកទើបបណ្ដាលឲ្យជួបហេតុការអាក្រក់បែបនេះ៕ ផ្តល់សិទ្ធដោយ៖កៅះសន្តិភាព
