Sign In 
ខេត្តសៀមរាប៖ បុរសម្នាក់ត្រូវរន្ទះបាញ់ស្លាប់ ខណៈកំពុងភ្ជួរស្រែក្នុងពេលភ្លៀងធ្លាក់ កាលពីរសៀលថ្ងៃទី១៣ ខែកក្កដា ឆ្នាំ២០២០នេះ នៅចំណុចខាងជើងស្រែដំណាក់ ស្ថិតភូមិរំចេក ឃុំស្វាយលើ ស្រុកស្វាយលើ ខេត្តសៀមរាប។
សមត្ថកិច្ចស្រុកស្វាយលើបញ្ជាក់ថា ជនរងគ្រោះឈ្មោះ វី ភេទប្រុស អាយុ៤៣ឆ្នាំ ជាកសិករ មានទីលំនៅក្នុងឃុំគោកធ្លកលើ ស្រុកជីក្រែង ខេត្តសៀមរាប ។ បច្ចុប្បន្ន សពជនរងគ្រោះត្រូវបានកម្លាំងជំនាញប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណី។
នៅថ្ងៃទី១៤ កក្កដា ក្រសួងធនធានទឹក និងឧតុនិយម បានប្រកាសឲ្យបងប្អូនប្រជាពលរដ្ឋប្រុងប្រយ័ត្នខ្ពស់ ចំពោះហេតុការណ៍ ខ្យល់កន្ត្រាក់ ផ្គរ រន្ទះលាយឡំជាមួយភ្លៀង អាចនឹងកើតឡើងនៅអំឡុងថ្ងៃទី ១៥ ដល់ថ្ងៃទី២១ ខែកក្កដានេះផងដែរ៕ ត្នោត
