ភ្នំពេញ៖ បុរសជនជាតិចិនម្នាក់ត្រូវកម្លាំងប៉ុស្តិ៍នគរបាលភ្នំពេញថ្មី ឃាត់ខ្លួនករណីប៉ុនប៉ងលួចទ្រព្យសម្បត្តិ តែមិនបានសម្រេច

ត្រូវសមត្ថកិច្ចឃាត់ខ្លួន ជនសង្ស័យខាងលើកាលពីវេលាម៉ោង០០ និង៥០នាទីថ្ងៃទី១៤ ខែកក្តដា ឆ្នាំ២០២០ នៅចំណុចមុខផ្ទះជួលលេខ៤០ ផ្លូវ១០០៧ ភូមិឧញ្ញ៉ាវាំង សង្កាត់ភ្នំពេញថ្មី​​ ខណ្ឌសែនសុខ។

សមត្ថកិច្ចបានឲ្យដឹងថា៖ជនសង្ស័យមានឈ្មោះ WU WEI ភេទប្រុស អាយុ៣២ឆ្នាំ ជនជាតិចិន មុខរបរគ្មាន ស្នាក់នៅផ្ទះជួលលេខ១A ផ្លូវ៦៥ សង្កាត់ទឹកថ្លា ខណ្ឌសែនសុខ កាន់លិខិតឆ្លងដែនលេខG51723461 (គ្មានសរធាតុញៀន) បានធ្វើសកម្មភាពប៉ុនប៉ងលួចទ្រព្យសម្បត្តិតែមិនបានសម្រេច។ ចំណែកជនរងគ្រោះមានឈ្មោះ សាម សៀកមួយ ភេទស្រី អាយុ៤៣ឆ្នាំ ជនជាតិខ្មែរ មុខរបរលក់ដូរ ស្នាក់នៅផ្ទះលេខ៤០ ផ្លូវ១០០៧ ភូមិឧញ្ញ៉ាវាំង សង្កាត់ភ្នំពេញថ្មី ខណ្ឌសែនសុខ ។ 

មន្ត្រីនគរបាលប៉ុស្តិ៍ភ្នំពេញថ្មីបានឲ្យដឹងថា៖ តាមចម្លើយសារភាពរបស់ជនសង្ស័យតាមរយៈអ្នកបកប្រែបានប្រាប់ឲ្យដឹងថា នៅយប់កើតហេតុខ្លួនបានផឹកស៊ីជាមួយមិត្តខ្លួនរួចបានត្រឡប់មកផ្ទះជួលវិញដល់ចំណុចកើតហេតុខ្លួនបានវាយកញ្ចក់ទូដែលគេដាក់ម៉ាស៊ីនសម្រាប់ឆុងកាហ្វេបណ្តាលឲ្យបែកភ្លាមៗនោះស្រាប់តែសមត្ថកិច្ចចុះទៅដល់ឃាត់គេតែម្តងទៅ ។ ប៉ុន្តែសមត្ថកិច្ចបានប្រាប់ថាទោះបីជាជនសង្ស័យឆ្លើយ៉ាងនេះក្តីក៏សមត្ថកិច្ចបានក៏សាងសំណុំរឿងរួចរាល់ហើយយោងតាមពាក្យបណ្តឹងរបស់ដើមបណ្តឹង​​ បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធីបន្ត ៕ផេង ភាព

from： https://tnaot.com/km/m/detail/article/9485919