ភ្នំពេញ:បុរសជនជាតិចិនម្នាក់រួមដំណើរនឹងស្ត្រីជនជាតិចិនដូចគ្នា បើករថយន្តកាមរីបាឡែនមួយគ្រឿងរេចង្កូតទៅបុកបង្កាន់ដៃស្ពានអាកាសផ្សារដីហុយ បែកកង់ទៅមុខលែងរួចសំណាងល្អគ្មានអ្នករងរបួស។

ហេតុការណ៍គ្រោះថ្នាក់ចរាចរណ៍នេះកើតឡើងកាលពីវេលាម៉ោង១១និង២០នាទីយប់ថ្ងៃទី ១៣ ខែកក្ដដា ឆ្នាំ ២០២០ស្ថិតនៅតាមបណ្ដោយផ្លូវសហព័ន្ធរុស្ស៊ីក្នុងសង្កាត់អូបែកក្អមខណ្ឌសែនសុខរាជធានីភ្នំពេញ។

ប្រភពព័ត៌មានពីបងប្អូនប្រជាពលរដ្ឋនៅទីតាំងកើតហេតុបានឲ្យដឹងថាមុនដំបូងឡើយគេឃើញរថយន្តមួយគ្រឿងម៉ាកកាមរីបាឡែនពណ៌ស្ករពាក់ស្លាកលេខភ្នំពេញ 2AK-1761បើកបរដោយបុរសជនជាតិចិនរួមដំណើរនឹងស្ត្រីជាជនជាតិចិនដូចគ្នាធ្វើដំណើរចេញពីព្រលានយន្តហោះអន្តរជាតិភ្នំពេញទិសដៅពីលិចទៅកើតលុះមកដល់ចំណុចកើតហេតុរថយន្តឡើងស្ពានអាកាសផ្សារដីហុយស្រាបតែរេចង្កូតមកខាងស្ដាំដៃជ្រុលទៅបុកបង្កាន់ដៃស្ពានបណ្តាលឲ្យរងការខូចខាតយ៉ាងដំណំផ្នែកខាងមុខ។

ក្រោយកើតហេតុសមត្ថកិច្ចមូលដ្ឋានចុះទៅដល់កន្លែងកើតហេតុទាក់ទងទៅខាងជំនាញចរាចរណ៍ក្រុងយករថយន្តទៅរក្សាទុកដើម្បីរង់ចាំដោះស្រាយគ្នានៅពេលក្រោយ។ ដោយ​ ផេង ភាព

from： https://tnaot.com/km/m/detail/article/9484831