Sign In 
កំពត៖គ្រោះថ្នាក់ចរាចរណ៍មួយ ដោយឡានធំដឹកស៊ីម៉ង់ ក្រុមហ៊ុន ជីប ម៉ុង លែន បានដាច់ហ្វ្រាំង ធ្វើអោយបុករះឡាន ម៉ូតូ និង ហាងលក់កាហ្វេ បណ្តាលឲ្យ
លោកយាយម្នាក់បែកក្បាលស្លាប់ភ្លាមៗ ។
គ្រោះថ្នាក់ចរាចរណ៍នេះ កើតឡើងនាព្រឹកថ្ងៃទី៩ ខែកញ្ញា ឆ្នាំ២០២០ នេះ នៅចំណុចភូមិផ្សារត្រាំសសរ ឃុំសំរោងលើ ស្រុកបន្ទាយមាស ខេត្តកំពត ។
ករណីនេះគ្រោះថ្នាក់ចរាចរណ៏ខាងលើនេះបណ្តាលឲ្យឡានខូចអស់ចំនួន៤គ្រឿង ម៉ូតូខូចអស់ចំនួន៣គ្រឿង ផ្ទះហាងលក់កាហ្វេ ខូចផ្ទះមួយខ្នង និង បណ្តាលឲ្យលោកយាយម្នាក់ស្លាប់ភ្លាមៗ។
ក្រោយពេលកើតហេតុសមត្ថកិច្ចចរាចរណ៏ស្រុកបន្ទាយមាសបានចុះមកធ្វើការវាស់វែងនិងស្ទូចយករថយន្តបង្កនិងរថន្តនិងម៉ូតូដែលរងការខូចខាតយកទៅរក្សាទុកនៅការិយាល័យចរាចរណ៏ជើងគោកស្នងការនគរបាលខេត្តកំពតដើម្បីដោះស្រាយគ្នាតាមផ្លូវច្បាប់។
ចំណែកសពត្រូវបានប្រគល់ជូនក្រុមគ្រួសារដឹកយកទៅធ្វើបុណ្យតាមប្រពៃណី៕ដោយ៖សួង សាម
