Sign In 
មនុស្សជាសត្វមួយប្រភេទដែលលោកចាត់ថាជាសត្វពិសេសខុសពីសត្វដទៃ គឺពិសេសត្រង់ដឹងបាបបុណ្យ គុណ ទោស អាក្រក់ ល្អ មានប្រយោជន៍ និងឥតប្រយោជន៍ជាដើម ។ សត្វពិសេសអម្បាលដូចជាមនុស្សនេះ បើជនណាហ៊ានសម្លាប់ ជននោះនឹងមានទោសធ្ងន់យោនយកកំណើតកើតជាប្រេតក្នុងអបាយភូមិមិនខាន ។
កើតជាប្រេតព្រោះសម្លាប់មនុស្សបែបនេះមានឈ្មោះថា អសីសកពន្ធប្រេត គឺប្រេតឥតមានក្បាល មានតែដងខ្លួន ដែលពាក្យចាស់ពោលថា ខ្មោចកំបុតក ។ ប្រេតនោះមានភ្នែកនៅនឹងទ្រូង ហើយកំពុងអណ្តែតទៅឯអាកាស ត្រូវពពួកសត្វត្មាត ខ្លែងប្រមង់ដេញតាមចោមឆាបចឹកប្រេតនោះក៏ចេះតែស្រែកថ្ងូរ ឈឺផ្សរឥតល្ហែព្រោះផលកម្មរបស់ខ្លួន ។
ព្រះមានព្រះភាគត្រាស់ថា ម្នាលភិក្ខុទាំងឡាយ សត្វប្រេតនុះកាលពីដើមជាអ្នកពិឃាតមនុស្សនៅក្នុងក្រុងរាជគ្រឹះនេះឯង ហើយកំពុងរងទុក្ខវេទនារហូតមកដល់សព្វថ្ងៃ និងកំពុងដង្ហោយស្រែកហៅរកការសង្គ្រោះអំពីសំណាក់សប្បុរសទាំងឡាយក្នុងរដូវបុណ្យទាននេះ ។ ផ្តល់សិទ្ធដោយ៖កោះសន្តិភាព
