Sign In 
ពុទ្ធបរិស័ទភាគច្រើនមិនបានដឹងថា តើព្រះសង្ឃត្រូវសង្រួមយ៉ាងណាឡើយ ទោះបីជាពួកគេបានទៅវត្តញឹកញាប់ហើយក្តី។ ថ្ងៃនេះ ត្នោតសូមបង្ហាញប្រាប់ពីរបៀបសង្រួមខ្លះៗរបស់ព្រះសង្ឃ ដើម្បីជាការយល់ដឹងបន្ថែមសម្រាប់ជនទូទៅ។ ខាងក្រោមនេះជាការសង្រួម៥ចំណុចក្នុងផ្លូវវិន័យរបស់ព្រះសង្ឃ
១-សង្រួមក្នុងឱវាទបាដិមោក្ខ គឺសង្រួមក្នុងវិន័យ
២-សង្រួមភ្នែក ដែលតាមផ្លូវវិន័យអ្នកបួសអាចសម្លឹងទៅមុខបានត្រឹមតែមួយជួរនឹមរទេះ ប្រហែលជាពីរម៉ែត្រ
៣-សង្រួមកុំឱ្យអារម្មណ៍ធ្លាក់ទៅក្នុងខ្សែតណ្ហា
៤-សង្រួមក្នុងខន្តី គឺអត់ធន់នូវត្រជាក់និងក្តៅជាដើម
៥-សង្រួមក្នុងវិរិយៈការព្យាយាម គឺកម្ចាត់បង់នូវវិតក្កៈ៣យ៉ាងមានកាមវិតក្កៈជាដើម ។
វិន័យទាំង៥មាតិកានេះព្រះពុទ្ធទ្រង់បញ្ញត្តិទុកមកហើយសម្រាប់ព្រះសង្ឃគ្រប់សម័យកាលប្រតិបត្តិ ដើម្បីលើកកម្ពស់ព្រះពុទ្ធសាសនាឱ្យបានគង់វង្សជាអង្វែង ៕ ត្នោត
