បួនខែបន្ទាប់ពីការបង្ហាញខ្លួនជាផ្លូវការរបស់ខ្លួន Lamborghini Edition នៃ Oppo Find X2 Pro បានមកដល់ប្រទេសឥណ្ឌាហើយ។ ទូរសព្ទនេះមានលក្ខណៈពិសេសប្រហាក់ប្រហែលនឹង X2 Pro ប៉ុន្តែភ្ជាប់មកជាមួយការរចនាផ្តាច់មុខដែលបំផុសគំនិតដោយ Aventador SVJ Roadster និងប្រអប់មានកំណត់មួយដែលពោរពេញទៅដោយការបន្ថែមពិសេសជាច្រើនផងដែរ។ ទាំងអស់នេះគឺរួមបញ្ចូលទាំងឆ្នាំងសាកទូរសព្ទ និងអាចសាកថ្មតាមរថយន្ត, កាសស្តាប់ត្រចៀក TWS, ស្រោមទូរសព្ទ និងឡូហ្គោពណ៌លឿងនៃរូបភាព Lamborghini និង Oppo ថែមទៀតផង ។

ក្រុមហ៊ុន Oppo មិនបានប្រកាសពីតម្លៃនិងភាពដែលអាចរកបានសម្រាប់ទូរសព្ទនេះទេ ប៉ុន្តែប្រហែលជាក្នុងតម្លៃ ១ ៩០០ ដុល្លារនៅក្នុងប្រទេសចិន ។

ទូរសព្ទនេះមានអេក្រង់ទំហំ 6.7inch ប្រភេទ AMOLED ដែលមានអត្រា Refresh Rate 120HZ, បន្ទះឈីប Snapdragon 865 និងថាមពលថ្ម 4260 mAh និងសាកថ្មបានលឿន 65W ផ្នែកខាងក្រោយមានកាមេរ៉ាភ្លោះទំហំ 48MP អមជាមួយសេនស័រភ្លើងទំហំ 13MP ។ ទូរសព្ទនេះភ្ជាប់មកជាមួយ RAM ទំហំ 12GB ជាមួយអង្គផ្ទុកទិន្នន័យ 512GB ៕

ប្រែសម្រួលដោយ៖ វិបុត្រ

ប្រភព៖ gsmarena

from： https://tnaot.com/km/m/detail/article/9473040