ក្មេងប្រុសអាយុ ៣ឆ្នាំ ម្នាក់ត្រូវបានគេជួយសង្គ្រោះ បន្ទាប់ពីបានជាប់នៅក្នុងឡានមួយ​នៅស្រុក Banglamung កាលពីម្សិលមិញ។

ក្រុម​​សង្គ្រោះបន្ទាន់ Sawang Boriboon និងក្រុមការងារ The Pattaya News ត្រូវបានគេជូនដំណឹងអំពីឧប្បត្តិហេតុនេះនៅម៉ោង ៤ និង ៣០នាទីកាលពីរសៀលម្សិលមិញនៅមុខហាង​ ​ 7-eleven ដែលស្ថិតនៅក្នុងភូមិ Soi Nong Sadao៨ ។ ​ក្រុម​អ្នកសង្រោ្គះបានប្រញាប់ទៅកន្លែងកើតហេតុដើម្បី​ជួយយកក្មេងប្រុសអាយុ ៣ឆ្នាំម្នាក់ដែលមានឈ្មោះថា“ Mo” ចេញពីក្នុងឡានមួយដែលបានជាប់សោទ្វារ។ ក្រុមអ្នក​សង្គ្រោះបានចំណាយពេលប្រហែលកន្លះម៉ោងទើបអាចដោះសោទ្វារ​ និងជួយយកក្មេងប្រុសចេញពីឡានបាន។ ក្មេងប្រុសរងគ្រោះមានសុវត្ថិភាពល្អនិងគ្មានរបួសអ្វីទេ។

ឪពុករបស់ក្មេងប្រុសរូបនេះបានប្រាប់កាសែត The Pattaya News ​ថាគាត់បានចេញពីឡានហើយទុកកូនប្រុសរបស់គាត់នៅខាងក្នុងឡានតែមួយភ្លែតប៉ុណ្ណោះ។ កូនប្រុសរបស់គាត់​ខិតទៅផ្នែកកៅអីអ្នកបើកបរ និងបានចុចប៊ូតុងចាក់សោដោយចៃដន្យខណៈ​ពេលដែលលោកក៏មិនបានដកសោចេញពីឡានផង​​ដេរ។ យោងតាមក្រុមអ្នក​សង្គ្រោះបានឱ្យដឹងថា ក្មេងប្រុសនេះហាក់ដូចជាមិនសូវភ័យខ្លាចចំពោះហេតុការណ៍ដែលបានកើតឡើងប៉ុន្មាននោះទេ ហើយបច្ចុប្បន្នរូបគេមានសុវត្ថិភាពល្អជាធម្មតាទេ៕

កែសម្រួលដោយ៖ ភារ៉ា

ប្រភព៖ the pattaya news

from： https://tnaot.com/km/m/detail/article/9465785