ស្មាតហ្វូន OnePlus Nord នឹងមកដល់នៅថ្ងៃទី២១ ខែកក្កដា ហើយយើងនឹងចាប់ផ្តើមបង្ហាញរូបភាពកាន់តែច្បាស់ពីលក្ខណៈពិសេសសំខាន់ៗរបស់ទូរសព្ទនេះ។ របាយការណ៍ចុងក្រោយបានមកពីបទសម្ភាសន៍ជាមួយសហស្ថាបនិក Carl Pei ដែលបានរៀបរាប់លម្អិតអំពីការតំឡើងកាមេរ៉ាភ្លោះរបស់ទូរសព្ទនេះ។ កាមេរ៉ាខាងក្រោយទំហំ 48MP ហើយនឹងផ្តល់មកជាមួយប្រព័ន្ធ OIS ។

កាមេរ៉ាខាងមុខដាក់ក្នុងរូបរាងដូចគ្រាប់ថ្នាំត្រូវបានគេរំពឹងថានឹងមានទំហំ 32MP ។ យើងក៏ដឹងដែរថា ទូរសព្ទនេះនឹងភ្ជាប់មកជាមួយបន្ទះឈីប Snapdragon 765G, RAM ទំហំ 6GB, អង្គផ្ទុកទិន្នន័យ 128GB និងមានថាមពលថ្ម 4,300 mAh ។

តម្លៃត្រូវបានគេរំពឹងថានឹងចាប់ផ្តើមក្រោម ៥០០ ដុល្លារ ប្រហែលជា ៤៤៥ ផោន  ប៉ុន្តែទំនងជានឹងប្រែប្រួលរវាងអឺរ៉ុប និងឥណ្ឌា។ ក្រុមហ៊ុន OnePlus ក៏បានរៀបចំការបញ្ជាទិញជាមុននៅជុំទី ២ នៅអឺរ៉ុបដែលនឹងចាប់ផ្តើមនៅថ្ងៃស្អែក វេលាម៉ោង ៨ ព្រឹក ៕

ប្រែសម្រួលដោយ៖ វិបុត្រ

ប្រភព៖ gsmarena

from： https://tnaot.com/km/m/detail/article/9464983