ភ្នំពេញ÷ រថយន្តកុងតឺន័របើកវ៉ាជែងទៅប៉ះរថយន្តដឹកត្រីពេញទំហឹងបណ្ដាលឱ្យក្រឡាប់ផ្ងារជើងចូលក្នុងប្រឡាយទឹក

ហេតុការណ៍នេះកើតឡើងនៅវេលាម៉ោង ៤និង១០នាទីល្ងាចថ្ងៃទី៧ ខែកក្កដា ឆ្នាំ២០២០ នៅតាមបណ្តោយផ្លូវមហាវិថីវិមានឈ្នះ ឈ្នះ ស្ថិតនៅក្នុងសង្កាត់គោក រការ ខណ្ឌព្រែកព្នៅ រាជធានីភ្នំពេញ។

តាមប្រភពព័ត៌មានពីកន្លែងកើតហេតុបានឲ្យដឹងថាមុនពេលកើតហេតុគេឃើញរថយន្តដឹកត្រីមួយគ្រឿងដែលពាក់ស្លាកលេខ ភ្នំពេញ 3E -7704 បើកបរដោយបុរសម្នាក់រួមដំណើរស្ត្រីម្នាក់ជាថៅកែនិងព្រូម្នាក់ទៀតក្នុងទិសដៅពីត្បូង មកជើង លុះមកដល់ចំណុច កើតហេតុក៏មានរថយន្តកុងតឺន័រមួយគ្រឿងមិនចាំស្លាកលេខធ្វើដំណើវ៉ាជែងពីក្រោយ

រួចទៅប៉ះគៀរថយន្តដឹកត្រីពេញទំហឹងបណ្តាលឲ្យរថយន្តដឹកត្រីធ្លាក់ប្រឡាយទឹកក្រឡាប់ផ្ងាជើងច្រង៉ាងចាក់ត្រីចោល តែសំណាងល្អហេតុការគ្រោះថ្នាក់ខាងលើនេះមិនបណ្តាលឲ្យរងរបួសនោះទេខូចខាតតែរថយន្ត និងខូចខាតត្រីអស់ចំនួន ៥ តោនតែប៉ុណ្ណោះ។

ក្រោយពេលកើតហេតុសមត្តកិច្ចមូលដ្ធានចុះមកដល់រួចទាក់ទងទៅខាងជំនាញចរាចរណ៍ខណ្ឌចុះមកពិនិត្យឃើញថាមិនមានប៉ះពាល់ដល់ទ្រព្យសម្បត្តិ រដ្ឋ ហើយក៍អោយម្ចាស់រថយន្តដឹកត្រីហៅរថយន្តស្ទូចយកទៅជួសជុលដោយខ្លួនឯង។ ផេង ភាព

from： https://tnaot.com/km/m/detail/article/9463414