នៅថ្ងៃអង្គារនេះរដ្ឋាភិបាលថៃបានមានប្រសាសន៍ថា ​ប្រទេសថៃគ្មានករណីថ្មីនៃអ្នកឆ្លង​មេរោគកូវីដ-១៩ទេ ​ហើយក៏គ្មានអ្នកស្លាប់ថ្មីដែរ ដែលធ្វើឱ្យអ្នកឆ្លងជំងឺសរុបនៅក្នុងប្រទេសកើនឡើងដល់ចំនួន​ ៣១៩៥នាក់ ​ហើយ​អ្នកស្លាប់​នៅរក្សាចំនួន ៥៨នាក់ដដែល។

គួរបញ្ជាក់ផងដែរថា ​ថៃមានអ្នកជំងឺដែល​ជាសះស្បើយឡើងវិញចំនួន ៣០៧២នាក់ ហើយនៅសល់អ្នកជំងឺចំនួន ៦៥នាក់ទៀតកំពុងសម្រាកព្យាបាលនៅក្នុងមន្ទីរពេទ្យ។ មជ្ឈមណ្ឌលគ្រប់គ្រងស្ថានភាពមេរោគកូវីដ-១៩​ បាននិយាយថា​ ប្រទេសថៃមាន ៤៣ថ្ងៃ ហើយដែលមិនមានអ្នកឆ្លងមេរោគក្នុងតំបន់​។  

​គិតមកដល់ថ្ងៃនេះអ្នកឆ្លងមេរោគកូវីដ-១៩នៅទូទាំងពិភពលោកបានកើនឡើងដល់ ១១.៧៤ លាននាក់ និងមាន​អ្នកស្លាប់ចំនួន ៥៤០៦៦០នាក់។ សហរដ្ឋអាមេរិកមាន​អ្នកឆ្លងច្រើនជាងគេគឺ ៣.០៤លាននាក់ ​និងមានអ្នកស្លាប់ច្រើនបំផុតគឺ ១៣២៩៧៩នា​ក់។  ប្រទេសប្រេស៊ីលជាប់ចំណាត់ថ្នាក់ទី២ ដែលមានអ្នកឆ្លងជំងឺសរុបចំនួន ១.៦៣លាននាក់ និងមានអ្នកស្លាប់ចំនួន ៦៥៥៥៦នាក់ ​។ ប្រទេសឥណ្ឌាជាប់ចំណាត់ថ្នាក់ទី៣ មានអ្នកជំងឺចំនួន ៧២០៣៤៦នាក់ និងមានអ្នកស្លាប់ចំនួន ២០១៧៤នាក់ ។ គួរបញ្ជាក់ផងដែរថា ប្រទេសថៃជាប់ចំណាត់ថ្នាក់ទី៩៩ ក្នុងចំណោមប្រទេសដែលរាតត្បាតដោយមេរោគកូវីដ-១៩នៅលើពិភពលោក។ 

កែសម្រួលដោយ៖ ភារ៉ា

ប្រភព៖ bangkok post

from： https://tnaot.com/km/m/detail/article/9461527