កីឡាករ Nemanja Matic បានយល់ព្រមលើកិច្ចសន្យាថ្មីរយៈពេល ៣ឆ្នាំនៅឯក្លិបបិសាចក្រហម Manchester United ដែលធ្វើឱ្យខ្សែបម្រើរូបនេះនៅក្លិបនេះរហូតដល់ ឆ្នាំ២០២៣ ។

កាលពីខែមីនា ក្លិប Manchester United ចង់ចុះកិច្ចសន្យារយៈពេលត្រឹមតែមួយឆ្នាំ ជាមួយ Matic តែប៉ុណ្ពោះ ប៉ុន្តែក្លិបក៏បានចាប់ផ្តើមពិភាក្សាលើកិច្ចព្រមព្រៀងដែលប្រសើរឡើង ដោយបានធ្វើកិច្ចសន្យាថ្មីរយៈពេល ៣ឆ្នាំវិញ ។

កីឡាករវ័យ ៣១ឆ្នាំរូបនេះ បានប្រាប់គេហទំព័ររបស់ក្លិបថា៖ “ខ្ញុំពិតជារីករាយណាស់ដែលខ្ញុំនឹងបន្តចូលរួមជាសមាជិកក្លិបដ៏អស្ចារ្យមួយនេះ។ ក្នុងនាមជាកីឡាករម្នាក់ខ្ញុំនៅតែមានអ្វីៗជាច្រើនទៀតដែលត្រូវផ្តល់ និងទទួលបាននៅក្នុងអាជីពរបស់ខ្ញុំ ហើយការធ្វើបែបនេះជាមួយក្រុម Manchester United នឹងក្លាយជាកិត្តិយសដ៏ធំធេងមួយរបស់ខ្ញុំផងដែរ ។

កីឡាកររូបនេះបានបន្តទៀតថា ការចុះកិច្ចសន្យាថ្មីនេះ គឺជាផ្នែកដ៏សំខាន់មួយនៃរដូវកាលនេះហើយយើងលេងបានល្អ។ យើងនឹងបន្តប្រយុទ្ធដើម្បីបញ្ចប់រដូវកាលនេះហើយធ្វើឱ្យអ្នកគាំទ្រអស្ចារ្យរបស់យើងមានមោទនភាព ៕

ប្រែសម្រួលដោយ៖ វិបុត្រ

ប្រភព៖ skysports

from： https://tnaot.com/km/m/detail/article/9459916