លោកវរសេនីយ៍ទោ Thammasan Bunsong ​ប្រធានមន្ត្រីប៉ូលិសប៉ុស្តិ Wichit បាន​មានប្រសាសន៍ថា មានប្តីប្រពន្ធមួយគូមានឈ្មោះលោក Chanakan អាយុ ២៦ឆ្នាំមានស្រុកកំណើតមកពីខេត្ត Nakhon Sri Thammarat និងអ្នកស្រី Chanjira អាយុ ៣៧ឆ្នាំ មានស្រុកកំណើតនៅខេត្តភូកេត ត្រូវបានចាប់ខ្លួនកាលពីថ្ងៃព្រហស្បតិ៍ក្នុងអគារផ្ទះល្វែងមួយក្នុង​ភូមិ Moo​​៣ សង្កាត់ Wichit។

លោកវរសេនីយ៍ទោ Thammasan បាន​បន្ថែមថា អំឡុងខែមិថុនានិងខែកក្កដាប៉ូលិសបានទទួលរបាយការណ៍ចំនួន ៣ករណីអំពីការលួចធុងហ្គាស​នៅទីតាំង​ផ្សេងៗគ្នាក្នុងសង្កាត់ Wic​hit ។ ​

​​ក្រោយបានឆែកមើលវីដេអូក្នុងកាមមេរ៉ាសុវត្ថិភាពប៉ូលិស​កំណត់បានមុខសញ្ញាជនសង្ស័យ​។ ​ក្នុងពេលចាប់ខ្លួនប៉ូលិសក៏បានដកហូតវត្ថុតាងមួយចំនួនរួមមានម៉ូតូមួយគ្រឿងម៉ាក​  Honda Wave  ពណ៌ខៀវ​លាយខ្មៅ ​ហ្គាសដែលមានចំណុះ ១៥ គ.ក និងសម្លៀកបំពាក់ដែលប្តីប្រពន្ធទាំងពីរនាក់បានពាក់ក្នុងពេលកំពុងប្រព្រឹត្តបទល្មើស។ ​ជនល្មើសបានប្រាប់ប៉ូលិសថាគាត់ទាល់ច្រកហើយត្រូវតែលួចគេព្រោះ​គ្មានការងារធ្វើសម្រាប់ចិញ្ចឹមជីវិត។ គាត់ក៏បានសារភាពផងដែរថាបានលួច​ហ្គាសចំនួនមួយ​ធុងទៀតពីផ្សារមួយ​ក្នុងតំបន់ Rassada ។

រូបតំណាង

រាល់​​ធុងហ្គាសដែលលួចបានពួកគេ​ដាក់លក់តាមរយៈហ្វេសប៊ុក។ ​ជនល្មើសទាំងពីរនាក់ត្រូវបានចោទប្រកាន់ពីបទចោរកម្ម​​។

កែសម្រួលដោយ៖ ភារ៉ា

ប្រភព៖  phuket news

from： https://tnaot.com/km/m/detail/article/9456586