បាល់ទាត់៖ ខ្សែបម្រើប្រយុទ្ធ Raheem Sterling សង្ឃឹមថាក្លិប Manchester City អាចឈានដល់វគ្គផ្តាច់ព្រ័ត្រក្នុងពានរង្វាន់ចំនួន ២ នៅក្នុងរដូវកាលនេះ។

សម្រាប់ពានរង្វាន់ក្របខ័ណ្ឌ Premier League ក្លិប Man City បានចាញ់ពិន្ទុក្លិប Liverpool ច្រើន ហើយធ្វើឱ្យពួកគេអស់ឱកាសប្រជែងជើងឯករដូវកាលនេះ ខណៈពេលដែលនៅសល់ពានរង្វាន់ Champions League និង FA Cup ដែលត្រូវប្រជែងបន្តទៀត។ ចំពោះ Champions League ក្លិប Man City បានឡើងដល់វគ្គ ១៦ ក្រុមចុងក្រោយជើងទី ២ ខណៈពេលដែលការប្រកួតជើងទី ១ ពួកគេបានយកឈ្នះក្លិប Real Madrid ដោយលទ្ធផល ២-១ ក្រៅដី។ រីឯ FA Cup ឡើងដល់វគ្គពាក់កណ្តាលផ្តាច់ព្រ័ត្រ ដោយត្រូវជួបប្រកួតជាមួយក្លិប Arsenal។

មុនការប្រកួតធំៗទាំងពីរនេះមកដល់ កីឡាករអន្តរជាតិអង់គ្លេសបាននិយាយតាមរយៈគេហទំព័ររបស់ក្លិបថា៖ “សង្ឃឹមថាយើងអាចឈានដល់ការប្រកួតវគ្គផ្តាច់ព្រ័ត្រ FA Cup និង Champions League។ យើងជាក្រុមមួយដែលខកខានប្រជែងយកជើងឯក Premier League ហើយយើងត្រូវតែបន្តនិងព្យាយាមឱ្យអស់ពីសមត្ថភាពដើម្បីដណ្តើមពានរង្វាន់ដែលនៅសល់គឺ FA Cup និង Champions League រដូវកាលនេះ”៕

កែសម្រួលដោយ៖ ភារ៉ា

ប្រភព៖ livescore

from： https://tnaot.com/km/m/detail/article/9453341