នៅក្នុងគណនីរបស់ក្លឹប Bayern Munich បានបង្ហាញជាផ្លូវការនូវការទិញបានរបស់ខ្សែស្លាបអាល្លឺម៉ង់Leroy Sane ក្រោយព័ត៌មានចរចាបានលេចធ្លាយកាលពីសប្តាហ៏មុន ក្រោយលោក Pep Guardiola បានបង្ហាញពីចេតនានៃការចាកចេញរបស់ Leroy Sane ដែលជិតផុតកុងត្រា។

ខ្សែបម្រើវ័យ២៤ឆ្នាំរូបនេះបានផ្ទេរមក Bayernក្នុងតម្លៃខ្លួនគោលប្រមាណ ៤៤.៧ លានផោន ហើយតម្លៃខ្លួននេះអាចឡើងបន្តរហូតដល់ ៥៤.៨ លានផោនតាមលក្ខខណ្ឌ័ផ្សេងៗបន្ត។ លើសពីនេះ Leroy Sane ក៏បានចរចាកុងត្រាផ្ទាល់ខ្លួនជាមួយ Bayernក្នុងរយះពេល៥ឆ្នាំផងដែរ។

គួរបញ្ជាក់ផងដែរថា Sane ជាកីឡាករដ៏សំខាន់របស់ Man City ក្នុងការឈ្នះពាន Premier League រដូវកាលមុន តែបានរងរបួសជាញឹកញយក្នុងរដូវកាលនេះ។ ក្នុងការបង្ហាញខ្លួន ១៣៥ ប្រកួតអោយ Man City កីឡាករអាល្លឺម៉ង់រូបនេះស៊ុតបញ្ចូលទីបាន ៣៩ គ្រាប់ និងបញ្ជូនបាល់អោយគេស៊ុតប្រមាណ ៤៥ ដង។

ប្រភព៖ BBC Sports

from： https://tnaot.com/km/m/detail/article/9453229