យើងបានដឹងហើយថា Liverpool បានក្លាយជាម្ចាស់ជើងឯកលីគកំពូលអង់គ្លេសរួចហើយកាលពីសប្តាហ៏មុន ក្រោយ Man City ទទួលរងបរាជ័យក្រោមថ្វីជើងតោខៀវChelsea។ វាជាភាពរីករាយមួយរបស់ក្លឹបហង្សក្រហមក្រោយក្លឹបនេះខកខានលើកពាននេះ ប្រមាណ៣០ឆ្នាំគត់។

ទោះជាយ៉ាងណា បញ្ហាមួយបានចោទឡើងក្រោយកីឡាករយុវជន ៣ រូប Liverpoolរួមមាន Harvey Elliott, Curtis Jones និង Neco Wiliams ស្ថិតក្នុងភាពស្រពិចស្រពិលក្នុងការទទួលបានមេដាយ ដោយសារពួកគេលេងបានត្រឹមម្នាក់ ២ប្រកួតប៉ុណ្ណោះក្នុងរដូវកាលនេះ។ ដោយយោងតាមច្បាប់ Premier League កីឡាករបានមេដាយ Premier Leagueចាំបាច់ត្រូវបង្ហាញខ្លួនក្នុងការប្រកួតយ៉ាងហោច ៥ ដង។

ជាចុងក្រោយ ភាពស្រពិចស្រពិលនេះបានដោះស្រាយដោយលោកJurgen Klopp។ Klopp បានសន្យាថាពួកគេនឹងទទួលបានមេដាយ។ លោកនិយាយថា៖ “ពិតណាស់! ពួកគេសមនឹងទទួលបានមេដាយ បើទោះជាមិនបានពី Premier Leagueក៏បានពីខ្ញុំដែរ។”

គួរបញ្ជាក់ផងដែរថា ពួកគេបានលេងម្នាក់ ២ប្រកួតហើយ ម្យ៉ាងការប្រកួតនៅ Premier League នៅសល់ប្រមាណ ៦ប្រកួតទៀត មានន័យថា ពួកគេត្រូវដូរចូលលេងត្រឹម ៣ ប្រកួតទៀតដើម្បីទទួលបានមេដាយ។

ប្រភព៖ Goal.com

from： https://tnaot.com/km/m/detail/article/9453221