កាលពីព្រឹកមិញមាននារីវ័យក្មេងម្នាក់មានជីវិតថ្លៃ ធ្លាក់ពីជាន់ទី៤នៃអគារមួយហើយនៅមានជីវិតនិងមានត្រឹមរបួសស្រាលប៉ុណ្ណោះ។ ​

ក្រុមអ្នក​សង្គ្រោះត្រូវបានគេជូនដំណឹងអំពីឧប្បត្តិហេតុនេះនៅវេលាម៉ោងប្រហែល ៣ទៀបភ្លឺ នៅឯផ្ទះល្វែងមួយ​ស្ថិតក្នុងតំបន់ ​Soi Pattaya Tai ១។ ​តាមប្រភពបានឱ្យដឹងថា​ ​ជនរងគ្រោះមានឈ្មោះ ​Natarika Wongkalasin  អាយុ ២២ឆ្នាំ មកពី​ខេត្ត Nakhon Panom បានធ្លាក់ពីជាន់ទី៤នៃអគារមួយមកលើ​ដី។ ជនរងគ្រោះមិនមានគ្រោះថ្នាក់ធ្ងន់ធ្ងរទេ ថែមទាំងនៅមានស្មារតីនៅឡើយ ហើយបច្ចុប្បន្នត្រូវបានគេបញ្ជូនទៅកាន់មន្ទីរពេទ្យដើម្បីត្រួតពិនិត្យជាបន្តទៀត។ មិត្តភក្តិរបស់ជនរងគ្រោះបានប្រាប់កាសែត The Pattaya News ថាពួកគេបានផឹកស្រាជាមួយគ្នានៅក្នុងផ្ទះល្វែងមួយ ហើយពួកគេទាំងពីរនាក់ស្រវឹងយ៉ាងខ្លាំង។ ជនរងគ្រោះ Natarika បានដើរទៅ​រានហាលមុខបន្ទប់ពេលកំពុងផឹកមុនពេលធ្លាក់ដោយចៃដន្យ។

​​ជនរងគ្រោះបានបញ្ជាក់ថា ការធ្លាក់នោះគឺជារឿងចៃដន្យ ហើយប៉ូលិសរកមិនឃើញ​ថាមានសញ្ញាណាមួយ​ដែលបញ្ជាក់ថាជនរងគ្រោះមាន​ជម្លោះឬការវាយដំនៅលើរាងកាយនោះទេ​។

កែសម្រួលដោយ៖ ភារ៉ា

ប្រភព៖ the pattaya news

from： https://tnaot.com/km/m/detail/article/9452261