បាល់ទាត់៖ ខ្សែប្រយុទ្ធវ័យជ្រេ Zlatan Ibrahimovic អាចនឹងចាកចេញពីក្លិប AC Milan នៅរដូវក្តៅនេះ ក្រោយចាប់អារម្មណ៍ចង់ផ្លាស់ទៅលេងជាមួយក្លិប Hammarby នៅឯប្រទេសកំណើតរបស់ខ្លួនវិញ។ នេះបើតាមការបញ្ជាក់ពីសារព័ត៌មាន Sky Sport Italia។

កិច្ចសន្យាចាស់របស់អតីតខ្សែប្រយុទ្ធជម្រើសជាតិស៊ុយអែតរូបនេះ នឹងផុតកំណត់នៅចុងបញ្ចប់នៃរដូវកាលនេះ ហើយរហូតមកដល់ពេលនេះមិនទាន់មានការបញ្ជាក់ណាមួយពីការបន្តកិច្ចសន្យាថ្មីជាមួយ Milan នៅឡើយទេ។ យ៉ាងណាក៏ដោយ Ibrahimovic កំពុងត្រូវបានផ្សារភ្ជាប់នឹងការវិលត្រឡប់ទៅកាន់ប្រទេសកំណើតរបស់គេវិញ ដោយអាចចូលរួមជាមួយក្លិប Hammarby នៅរដូវកាលក្រោយ។

គួរឱ្យដឹងដែរថា កីឡាករ Ibrahimovic បានផ្លាស់មកទ្រនំចាស់ Milan សាជាថ្មីនៅឆ្នាំ២០២០ ក្រោយលេងនៅសហរដ្ឋអាមេរិកជាមួយក្លិប LA Galaxy បានពីររដូវកាល៕

កែសម្រួលដោយ៖ ភារ៉ា

ប្រភព៖ football-italia

from： https://tnaot.com/km/m/detail/article/9450827