ក្លិប Real Madrid នឹងចាប់ផ្តើមបង្កើតក្រុមនារីរបស់ខ្លួនជាផ្លូវការបន្ទាប់ពីសហព័ន្ធបាល់ទាត់អេស្ប៉ាញបានយល់ព្រមលើកិច្ចព្រមព្រៀងដើម្បីបញ្ចូលគ្នាជាមួយក្លិប CD Tacon ។

Real បានយល់ព្រមទទួលយក Tacon ដែលមានមូលដ្ឋាននៅទីក្រុងម៉ាឌ្រីដកាលពីឆ្នាំមុនបន្ទាប់ពីពួកគេត្រូវបានតំឡើងឋានៈជាផ្នែកគ្រប់គ្រងមួយនៃកីឡាបាល់ទាត់អេស្ប៉ាញ ដែលជាការផ្លាស់ប្តូរដោយមានការយល់ព្រមជាបន្តបន្ទាប់ពីសមាជិកក្នុងក្លិបផ្ទាល់ ។

នៅក្នុងសេចក្តីថ្លែងការណ៍មួយបាននិយាយថា “Real Madrid កំពុងទន្ទឹងរង់ចាំការប្រកួតប្រជែងថ្មីនេះដោយមានការប្តេជ្ញាចិត្តក្នុងការលើកកម្ពស់បាល់ទាត់ស្ត្រីនិងចូលរួមចំណែកក្នុងការអភិវឌ្ឍន៍ និងរីកចម្រើននៅក្នុងសង្គមរបស់យើង” ។

អ្នកចាត់ការទូទៅរបស់ក្លិប Real Madrid គឺលោក Florentino Perez បានបន្ថែមទៀតថា “ពេលវេលាបានមកដល់ហើយដើម្បីកសាងក្រុមស្រ្តីមួយ ដែលអ្នកទាំងអស់គ្នាត្រូវតែមានមោទនភាពចំពោះពួកគាត់” ។ គួរបញ្ជាក់ដែរថា ក្រុមកីឡាការនីនេះនឹងត្រូវប្តូរឈ្មោះទៅជា Real Madrid Femenino ដែលមានក្រុម U16 និងក្រុម U19 ផងដែរ ៕

ប្រែសម្រួលដោយ៖ វិបុត្រ

ប្រភព៖ skysports

from： https://tnaot.com/km/m/detail/article/9447737