បាល់ទាត់៖ ក្លិប Bayern Munich បានចុះហត្ថលេខាយកខ្សែការពារកណ្តាល Tanguy Kouassi ពីក្លិប Paris Saint-Germain ជាផ្លូវការ។

កីឡាករ Kouassi បដិសេធមិនចុះកុងត្រាថ្មីជាមួយ PSG ក្រោយកិច្ចសន្យាចាស់អស់សុពលភាពនៅថ្ងៃទី៣០ ខែមិថុនានេះ ហើយបានសម្រេចចិត្តមកចូលរួមជាមួយ Bayern ដោយគ្មានតម្លៃខ្លួនផ្ទេរ។ រូបគេបានចុះកុងត្រារយៈពេល ៤ ឆ្នាំដើម្បីប្រកបអាជីពនៅទឹកដី Allianz Arena របស់ Bayern នៃប្រទេសអាល្លឺម៉ង់។

ខ្សែការពារសញ្ជាតិបារាំងវ័យ ១៨ ឆ្នាំនិយាយថា ខ្លួនពិតជារីករាយណាស់ក្រោយបានផ្លាស់មកចូលជាមួយក្លិបដែលមានបទពិសោធន៍ជោគជ័យ ហើយសង្ឃឹមអាចបង្កើតសមត្ថភាព និងបច្ចេកទេសលេងរបស់ខ្លួនប្រសើជាងមុន៕

កែសម្រួលដោយ៖ ភារ៉ា

ប្រភព៖ livescore

from： https://tnaot.com/km/m/detail/article/9446616