បាល់ទាត់៖ កីឡាករ Lionel Messi ខ្សែបម្រើប្រយុទ្ធរបស់ក្លិប Barcelona សម្រេចបានគ្រាប់បាល់ទី ៧០០ ក្នុងអាជីពនៅពេលលេងទល់នឹងក្រុម Atletico Madrid កាលពីថ្ងៃអង្គារ។

កីឡាករ Messi រកបាន ១ គ្រាប់ក្នុងជំនួបក្រុម Barcelona ប្រកួតស្មើ ២-២ ជាមួយ Atletico នៅក្របខ័ណ្ឌអេស្ប៉ាញ LaLiga ដែលត្រូវជាការប្រកួតលើកទី ៣៣ ក្នុងរដូវកាលនេះ។ ក្រោយរកបានគ្រាប់បាល់នេះ ធ្វើឱ្យកីឡាករវ័យ ៣៣ ឆ្នាំបង្គ្រប់គ្រាប់ទី ៧០០ របស់ខ្លួន ហើយក្នុងនាមជាអ្នករកគ្រាប់បាល់ច្រើនជាងគេនៅក្នុងក្លិប Barcelona ផងដែរ។ មែនទែនទៅ Messi រកបាន ៦៣០ គ្រាប់នៅ Barcelona ហើយ ៧០ គ្រាប់ទៀតនៅក្រុមជម្រើសជាតិអាហ្សង់ទីន។

គួរឱ្យដឹងដែរថា ជម្រើសជាតិអាហ្សង់ទីនរូបនេះ លេងឱ្យ Barcelona លើកដំបូងជាផ្លូវការនៅឆ្នាំ២០០៤ ជាមួយក្រុម Espanyol ដែលការប្រកួតនោះបញ្ចប់ទៅដោយលទ្ធផលឈ្នះ ១-០ ប៉ុន្តែរូបគេមិនបានរកគ្រាប់បាល់បញ្ចូលទីទេ៕

កែសម្រួលដោយ៖ ភារ៉ា

ប្រភព៖ livescore

from： https://tnaot.com/km/m/detail/article/9444171