កាលពីថ្ងៃទី ៦ ខែកញ្ញា ឆ្នាំ២០២០ ម្សិលមិញនេះ បទចម្រៀងថ្មីរបស់លោក ព្រាប សុវត្ថិ បានចេញជាផ្លូវការហើយកាលពីវេលាម៉ោង ៧ ព្រឹក ដែលមានចំណងជើងថា «ខែភ្ជុំជ្រូកយំពេញទ្រុង» ដែលជាការនិពន្ធ Melody និង ទំនុកច្រៀងដោយលោក យឹម តាស្រង់។

បទ «ខែភ្ជុំជ្រូកយំពេញទ្រូង» របស់កំពូលតារាចម្រៀងរូបនេះ បានចេញចំឱកាសបុណ្យដាក់បិណ្ឌវេន ៤ ដោយបទចម្រៀងមួយបទនេះបានធ្វើឲ្យមហាជន និងអ្នកគាំទ្ររបស់លោកសរសើរថា សំឡេងរបស់លោកនៅតែខ្លាំងដដែលមិនមានការថមថយបន្តិចនោះឡើយ។

គួរឲ្យរម្លឹកផងដែរថា កំពូលតារាចម្រៀង ព្រាប សុវត្ថិ បានចុះកុងត្រាជាផ្លូវការក្លាយទៅជាតារាចម្រៀងប្រចាំផលិតកម្មហ្គាឡាក់ស៊ី ណាវ៉ាត់ត្រា កាលពីថ្ងៃទី ២៥ ខែសីហា ឆ្នាំ ២០២០ កន្លងទៅថ្មីៗនេះ៕ ចង់ជ្រាបច្បាស់ សូមទស្សនាវីដេអូចម្រៀងខាងក្រោមនេះ៖

from： https://tnaot.com/km/m/detail/article/9668211