គ្រូបង្វឹកសញ្ជាតិអាល្លឺម៉ង់លោក Jurgen Klopp បានទទួលជោគជ័យយ៉ាងខ្លាំងក្នុងការដឹកនាំក្លឹបLiverpool មួយនេះដោយទើបនឹងលើក Champion League កាលពីរដូវកាលមុន និងទើបឈ្នះពាន Premier League កាលពីសប្តាហ៏មុនផងដែរ។

រម្លឹកពេលដែលលោកកាន់កាប់តំណែងគ្រូបង្វឹកដំបូងក្នុងរដូវកាលដំបូងរបស់លោក លោកធ្វើមិនសូវបានល្អប៉ុន្មានទេ តែលោកនិយាយថាថ្នាក់ដឹកនាំតែងតែផ្តល់ពេលវេលាអោយលោក។ លោកនិយាយថា៖ “ពួកយើងបញ្ចប់ថ្នាក់ Premier Leagueត្រឹមលេខ ៨កាលពីឆ្នាំ២០១៦។ ពិតណាស់ វានឹងមានការសង្ស័យច្រើនពីសំណាក់មជ្ឈដ្ឋានខាងក្រៅ តែសម្រាប់ថ្នាក់ដឹកនាំ Liverpoolពួកគេតែងតែទុកចិត្តខ្ញុំ និងផ្តល់ពេលវេលាអោយខ្ញុំ។”

គួរបញ្ជាក់ផងដែរថា Jurgen Klopp ផ្លាស់មកក្លឹបLiverpool នាឆ្នាំ ២០១៥។ មកទល់បច្ចុប្បន្ននេះ លោកបានជួយក្លឹបអោយឡើងវគ្គផ្តាច់ព្រ័ត្រ្ត ៣ដង ឈ្នះ Champion League 1 និងឈ្នះពាន Premier League រដូវកាលនេះ។

ប្រភព៖ Goal.com

from： https://tnaot.com/km/m/detail/article/9439746