បុរសពីរនាក់ត្រូវបានចាប់ខ្លួន​ដោយសារ​មាន​ថ្នាំ​មេតាហ្វេតាមីនប្រភេទគ្រាប់ចំនួន ៤២០០០គ្រាប់ និងមេតាហ្វេតាមីនប្រភេទម្សៅទម្ងន់ ១០០ក្រាម ត្រូវបានរកឃើញថាជាកម្មសិទ្ធិរបស់ពួកគេ។

លោក Chatree Chanvirachai អភិបាលរងខេត្ត Nakhon Phanom បានកំណត់អត្តសញ្ញាណអ្នកទាំង២នាក់នោះដែលម្នាក់មានឈ្មោះ Vichai Niwongsa អាយុ ២៩ឆ្នាំ និងម្នាក់ទៀតឈ្មោះ Veerapong Ngaonoi អាយុ ៤៥ឆ្នាំ។ អ្នកទាំងពីររស់នៅក្នុងស្រុក Tha Uthen។ ​អាជ្ញាធរបានតាមដានសកម្មភាពរបស់ពួកគេអស់រយៈពេលជាយូរមកហើយមុនពេលមានភស្តុតាងច្បាស់លាស់ដែល​អាចចាប់ខ្លួនពួកគេបានជាមួយនឹងថ្នាំញៀនប្រភេទគ្រាប់ចំនួន ៤២០០០គ្រាប់ និងជាប្រភេទម្សៅទម្ងន់ ១០០ក្រាម កាលពីយប់ថ្ងៃសៅរ៍។ អាជ្ញាធរក៏បានរឹបអូសខ្សែកមាស​មួយចំនួន ប្រាក់ចំនួន ៥០០០០០បាត និង​ប្លង់ដីទំហំ ២៩រ៉ៃ ដែលគេសង្ស័យថាទទួល​បានដោយសារការជួញដូរគ្រឿងញៀន។

រូបតំណាង

អភិបាលខេត្តលោក Chatree បានបន្ថែមថាជនល្មើសលោក Veerapong ជាអ្នកនេសាទនៅទន្លេមេគង្គដែលបានដើរតួជាអ្នករកស៊ីជួញដូរគ្រឿងញៀននៅក្នុងប្រទេសឡាវដើម្បីរត់ពន្ធគ្រឿងញៀននៅលើទូក​ឆ្លងកាត់ព្រំដែនទៅឱ្យលោក Vichai ដែលជាភ្នាក់ងារគ្រឿងញៀនដ៏ធំមួយនៅក្នុងខេត្ត Nakhon Phanom ។ ជនល្មើសលោក Veerapong ​ត្រូវបានគេផ្តល់ប្រាក់ប្រហែល ៥ម៉ឺនបាត សម្រាប់ការដឹកជញ្ជូន​ក្នុងមួយជើង។ អាជ្ញាធរកំពុងរៀបចំផែនការដើម្បីចាប់ខ្លួនបក្សពួករបស់ពួកគេ​ផ្សេងទៀត។ 

កែសម្រួលដោយ៖ ភារ៉ា

ប្រភព៖ Bangkok Post

from： https://tnaot.com/km/m/detail/article/9433487