តាកែវ ៖ ម៉ូតូ២គ្រឿងបើកបញ្រា្ចសទិសដៅបុកគ្នាពេញទំហឹងបណ្តាលឲ្យបុរស៣ម្នាក់ស្លាប់និងម្នាក់ទៀតរងរបួសធ្ងន់ហេតុការណ៍នេះកើតឡើងនៅរសៀលថ្ងៃទី០៣ ខែកញ្ញា ឆ្នាំ២០២០ វេលាម៉ោង១៦និង១០នាទី​ នៅតាមបណ្តោយផ្លូវលេខ១២៩ ចន្លោះគីឡូម៉ែត្រលេខ២៥-២៦ ស្ថិតនៅភូមិព្រៃល្វាកើត ឃុំព្រៃល្វា ស្រុកព្រៃកប្បាស ខេត្តតាកែវ។

សមត្ថកិច្ចបានឲ្យដឹងថាមុនពេលកើតហេតុបុរសម្នាក់ជិះម៉ូតូមួយគ្រឿងម៉ាក វ៉េវ ពណ៌ទឹកប៊ិច ពាក់ស្លាក់លេខ ព្រៃវែង 1A-8233 បើកបរដោយឈ្មោះ តែម នាង ភេទប្រុស អាយុ៣០ឆ្នាំ រស់នៅភូមិព្រៃព្រំ ឃុំព្រៃកប្បាស ស្រុកព្រៃកប្បាស ខេត្តតាកែវ ស្លាប់នៅកន្លែងកើតហេតុ និងអ្នករួមដំណើរម្នាក់ឈ្មោះ ចឹម ជីវ័ន្ត ភេទប្រុស អាយុ៦ឆ្នាំ រងរបួសធ្ងន់និងស្លាប់ពេលបញ្ជូនទៅមន្ទីរពេទ្យ។ ដោយឡែកភាគីម្ខាងទៀតបើកបរម៉ូតូម៉ាកភីស៊ីអិច ដែលបើកបរដោយឈ្មោះ អ៊ឹម ស្រីពៅ ភេទស្រី អាយុ២២ឆ្មាំ រស់នៅភូមិតាមួង ឃុំលំចង់ ស្រុកសំរោង ខេត្តតាកែវ ស្លាប់នៅកន្លែងកើតហេតុ និងអ្នករួមដំណើរម្នាក់ឈ្មោះ ប៊ុន សូណាត ភេទស្រី អាយុ២៦ឆ្នាំ រស់នៅភូមិថ្នល់បែក សង្កាត់រកាក្រៅ ក្រុងដូនកែវ ខេត្តតាកែវ រងរបួសធ្ងន់។ក្រោយកើតហេតុនគរបាលចរាចរស្រុកព្រៃកប្បាសបានចុះដល់ធ្វើការវាស់វែងនឹងបញ្ជូនអ្នករងរបួសទៅមន្ទីរពេទ្យចំណែកសពជនរងគ្រោះដែលស្លាប់ត្រូវបានសមត្ថកិច្ចធ្វើកំណត់ហេតុរួចប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណីនៅឯស្រុកកំណើតរៀងៗខ្លួន។ ផេង ភាព

from： https://tnaot.com/km/m/detail/article/9659813