បុរសម្នាក់ត្រូវបានសម្លាប់និងម្នាក់ទៀតរងរបួសធ្ងន់នៅក្នុងឧប្បត្តិហេតុ​ផ្សេងពីគ្នានៅក្នុងស្រុក  Khong  នៃខេត្ត​ Korat នាព្រឹកថ្ងៃអាទិត្យ។

បុរស​ម្នាក់ត្រូវបានឃាត់ខ្លួនដើម្បីសាកសួរដោយ​ប៉ូលិសសង្ស័យថា បានប្រព្រឹត្ដបទឧក្រិដ្ឋទាំងពីរនេះបន្ទាប់ពីមានទំនាស់រឿងគ្រឿងញៀន។ នៅម៉ោងប្រហែលជា ៤ទៀបភ្លឺ ប៉ូលិសនៅ​ប៉ុស្តិនគរបាលស្រុក​​ Khong ​ត្រូវបានគេរាយការណ៍អំពីហេតុការណ៍ថា មានបុរសម្នាក់ត្រូវបានគេបាញ់សម្លាប់ និងម្នាក់រងរបួសនៅឯភូមិ​ Nong Muang ក្នុង​ឃុំ tambon Wang Ma Nao ។ ប៉ូលិសបានប្រញាប់ប្រញាល់ទៅកាន់កន្លែងកើតហេតុជាមួយ​ក្រុមសង្គ្រោះបន្ទាន់ស្ម័គ្រចិត្ត និងវេជ្ជបណ្ឌិតមកពីមន្ទីរពេទ្យ Khong ​។ ​នៅកន្លែងកើតហេតុគេឃើញមានឡានដឹកទំនិញធុនតូចមួយដែលមានសភាពដូចជាត្រូវគេបើកបុកថ្មីៗ។ អ្នកបើកបរ​ឡាននោះ​មានឈ្មោះថា​ Jaturong Sosomboon អាយុ ២៥ឆ្នាំ ​បាន​ស្លាប់បាត់បង់ជីវិតបាត់ទៅហើយ។ ប៉ូលិសបាននិយាយថា ជនរងគ្រោះត្រូវ​គេបាញ់ចំពីក្រោយ​។

ក្រោយការរៀបចំព័ទ្ធជុំវិញកន្លែងកើតហេតុហើយ ក្រុមមន្ត្រីប៉ូលិសនិងអ្នកសង្គ្រោះបានបន្តទៅផ្ទះមួយទៀតដែលស្ថិតនៅក្នុងភូមិ Nong Muang ដដែល។ ពួកគេបានរកឃើញបុរសម្នាក់​មានឈ្មោះថា ​ Yingyos Phuwongsa ត្រូវបានគេបាញ់ចំត្រង់ជង្គង់និងលើផ្ទៃមុខ។ គាត់ត្រូវបានគេបញ្ជូនទៅមន្ទីរពេទ្យ​ Khong ​ដើម្បីសម្រាកព្យាបាល។ បន្ទាប់ពីការស៊ើបអង្កេត​យ៉ាងល្អិតល្អន់ ប៉ូលិសជឿជាក់ថាបទឧក្រិដ្ឋទាំងពីរនេះ​បានប្រព្រឹត្តដោយលោក Tawatchai Saeng-arun អាយុ ៣៧ឆ្នាំ ដោយសារជនរងគ្រោះលោក Jaturong ​លោក Yingyos និងជនសង្ស័យលោក Tawatchai បានជាប់ក្នុងកំណត់ត្រារបស់ប៉ូលិសពីបទពាក់ព័ន្ធនឹងការជួញដូរគ្រឿងញៀនជាមួយគ្នា។ ប៉ូលិសបានទៅដល់ផ្ទះរបស់ជនសង្ស័យលោក Tawatchai ​ដើម្បីចាប់ខ្លួននិងធ្វើការសាកសួរបន្ត។ 

កែសម្រួលដោយ៖ ភារ៉ា

ប្រភព៖ Bangkok Post

from： https://tnaot.com/km/m/detail/article/9433386