Sign In 
ផ្សារធំថ្មីត្រូវបានសាងសង់ក្នុងខែសីហា ឆ្នាំ១៩៣៥ ហើយបញ្ចប់រួចរាល់នៅ ខែមិថុនា ឆ្នាំ១៩៣៧ ក្រោមជំនួយរបស់សាធារណរដ្ឋបារាំង ក្នុងរជ្ជកាលព្រះករុណាព្រះបាទស៊ីសុវត្ថិ មុនីវង្ស។ អ្នកគូរប្លង់ផ្សារធំថ្មី គឺជាជនជាតិបារាំងឈ្មោះ JEAN DUBOIR។
គិតមកដល់បច្ចុប្បន្នផ្សារដែលភាសាបារាំងហៅថា Marché central de Phnom Penh នេះមានអាយុ៨៣ឆ្នាំហើយ។ ដោយសារភាពចំណាស់នៃអគារ, ការឆ្លងកាត់នៅសង្គ្រាមស៊ីវិល សំណង់អគារផ្សារធំថ្មី មានការប្រេះស្រាំនិងជ្រាបទឹកតាមកន្លែងមួយចំនួន។
ផ្សារធំថ្មីត្រូវបានជួសជុលឡើងវិញកាលពីឆ្នាំ២០០៩ ដោយក្រុមហ៊ុន Villa Parc Engineering ជាអ្នកម៉ៅការសាងសង់ដោយប្រើប្រាស់ថវិកាហិរញ្ញប្បទានជាទឹកប្រាក់ចំនួន៤លាន៥សែនអឺរ៉ូ របស់ ទីភ្នាក់ងារបារាំងសម្រាប់ការអភិវឌ្ឍ(AFD)។
ការជួសជុលនិងការកែលំអមានរយៈពេល២៥ខែបែងចែកជាតូបចំនួន៣១៦៣ ព្រមទាំងអ្នកលក់ចល័តជាង១៤០០នាក់ ៕
កែសម្រួល៖ Wow Cambodia
