Sign In 
រាជធានីភ្នំពេញ ៖ ក្រសួងសុខាភិបាលបានប្រកាសនៅព្រឹកថ្ងៃទី០៤ ខែកញ្ញានេះថា ករណីជាសះស្បើយអ្នកជំងឺកូវីដ១៩ ចំនួន០១នាក់ និងមិនមានអ្នកកើតកូវីដ១៩ ថ្មីនោះទេ ខណៈអ្នកកំពុងតែសម្រាកព្យាបាលនៅសល់តែ២នាក់ទេ ។
ក្រសួងបានបញ្ជាក់ថា អ្នកជំងឺជាសះស្បើយ០១នាក់ គឺបុរសជនជាតិចិនអាយុ ២២ឆ្នាំ ស្នាក់នៅសណ្ឋាគារមួយក្នុងរាជធានីភ្នំពេញ ជាអ្នកធ្វើដំណើរពីប្រទេសហ្វីលីពីន មកដល់កម្ពុជានៅថ្ងៃទី០៩ ខែសីហា ឆ្នាំ២០២០ ត្រូវបានព្យាបាលជាសះស្បើយ ដោយទទួលបានលទ្ធផលតេស្តអវិជ្ជមានវីរុសកូវីដ-១៩ ចំនួន០២ដង និងត្រូវបានអនុញ្ញាតឱ្យចេញពី មណ្ឌលសុខភាពចាក់អង្រែ រាជធានីភ្នំពេញ ។
កម្ពុជាយើងបានរកឃើញអ្នកមានវីរុសកូវីដ-១៩ទាំងអស់ចំនួនសរុប ២៧៤នាក់ ក្នុងនោះចំនួនអ្នកព្យាបាលជាសះស្បើយសរុបទូទាំងប្រទេស មានចំនួន២៧២នាក់ និងអ្នកកំពុងសម្រាកព្យាបាលនៅមន្ទីរពេទ្យរដ្ឋចំនួន០២នាក់ ៕ ផ្តល់សិទ្ធដោយ៖កោះសន្តិភាព
