មានអគ្គិភ័យមួយបានកើតឡើងដោយ​មិនដឹងមូលហេតុពិតប្រាកដហើយកំពុងស្ថិតក្នុងការស៊ើបអង្កេតបានធ្វើឱ្យខូចខាតយ៉ាងធ្ងន់ធ្ងរដល់បន្ទប់​ខុនដូដ៏ប្រណីតមួយនៅទីក្រុង​ Pattaya កាលពីល្ងាច​មិញនេះ។

ហេតុការណ៍នេះកើតឡើងនៅក្នុងភូមិ Soi Thappraya៩ វេលាម៉ោង ៦ល្ងាច។ ក្រុមពន្លត់អគ្គិភ័យនិងក្រុមអ្នកកាសែត​ The Pattaya News ទៅដល់កន្លែងកើតហេតុ គេឃើញមាន​ផ្សែងហ៊ុយក្រាស់ខ្មឹកចេញពីក្នុងបន្ទប់នៅជាន់ទី២ នៃអគារដ៏ធំល្វឹងល្វើយនេះ។ ​

ប៉ូលិសបាន​ជម្លៀសប្រជាជនថៃនិងបរទេសទាំងអស់ឱ្យចេញពីខុនដូ​និងអ្នកនៅក្បែរអាងហែលទឹក។ យោងតាមបុគ្គលិកពន្លត់អគ្គិភ័យបានឱ្យដឹងថា​ បន្ទប់​ស្ទើរតែត្រូវឆេះទាំងស្រុង​ ប៉ុន្តែជាសំណាងល្អនៅក្នុងហេតុការណ៍នេះមិនមានអ្នករងរបួសទេ។ លោក Jutipong Laohapattanalert អាយុ ២៤ ឆ្នាំបានប្រាប់កាសែត The Pattaya News ថា​គាត់រស់នៅក្នុងជាន់តែមួយក្បែរបន្ទប់នោះ ចៃដន្យគាត់បានឃើញភ្លើងនិងផ្សែង​ហុយចេញពីបន្ទប់។

ប្រធានមន្ត្រីប៉ូលិសលោក Niwat Pengkan ​នៃក្រុង Pattaya កំពុងបន្តការស៊ើបអង្កេតដើម្បីរកមូលហេតុដែលបណ្តាលឱ្យមានអគ្គិភ័យនេះ។

កែសម្រួលដោយ៖ ភារ៉ា

ប្រភព៖ The pattaya news

from： https://tnaot.com/km/m/detail/article/9430614