ប៉ូលិសនៃទីក្រុង Pattaya​ ដើរ​ល្បាត​អាជីវកម្ម​ក្នុងតំបន់ ​Soi Buakhao យ៉ាងតិចបីដងក្នុងមួយសប្តាហ៍​​និងបានក្រើនរំឮកដល់ម្ចាស់អាជីវកម្មឱ្យធ្វើតាមច្បាប់ដែលបានកំណត់ដោយរដ្ឋាភិបាលថៃទាក់ទងនឹងបទប្បញ្ញត្តិមេរោគកូវីដ-១៩។

លោកវរសេនីយ៍ទោ​ Nithat នាយរងប៉ុស្តិប៉ូលិសក្រុង Pattaya​ បានដឹកនាំក្រុមប៉ូលិស អ្នកសារព័ត៌មាន និងភ្នាក់ងារពាក់ព័ន្ធក្នុងពេលដែលពួកគេបានទៅល្បាតផ្នែកខ្លះនៃតំបន់ Soi Buakhao និងផ្សារ Tree Town។ លោក Nithat បានបញ្ជាក់ថារដ្ឋាភិបាលកំពុងរៀបចំ​វិធានការ​ជំហានទី៥ ដើម្បីបន្ធូរបន្ថយច្បាប់រឹតបន្តឹងនៅ​កន្លែងកម្សាន្តដូចជា ហាងស្រា បារ និង​ខារ៉ាអូខេ។ ​គម្រោងនេះនឹងធ្វើការប្រកាសនៅថ្ងៃចន្ទសប្តាហ៍ក្រោយដោយមជ្ឈមណ្ឌលគ្រប់គ្រងស្ថានភាពមេរោគកូវីដ-១៩។

ទោះជាយ៉ាងណាក៏ដោយ លោកវរសេនីយ៍ទោ​ Nithat ​បានបញ្ជាក់យ៉ាងច្បាស់ថា ​ប៉ូលិសនឹងនៅតែបន្តបំបែកក្រុមមនុស្សដែល​ប្រមូលផ្តុំគ្នាផឹកគ្រឿងស្រវឹងនៅតាមទីសាធារណៈ ឬមិនរក្សាគម្លាតពីគ្នា​​​។ ប៉ូលិសបានបញ្ជាក់ថាផ្សារ​Tree Town បានអនុវត្តយ៉ាងត្រឹមត្រូវជាមួយនឹងវិធានការនានាដោយមានការត្រួតពិនិត្យអនាម័យត្រឹមត្រូវ និង​ដាក់របាំងសម្រាប់នៅជុំវិញផ្សារដើម្បីរារាំង​ការប្រមូលផ្តុំនានា។ បារ និងកន្លែងកម្សាន្តផ្សេងៗ​ត្រូវបានបិទនៅ​ទីក្រុង Pattaya ចាប់តាំងពីថ្ងៃទី១៨ ខែមីនា ដើម្បីទប់ស្កាត់ការរីករាលដាលនៃមេរោគកូវីដ-១៩។

កែសម្រួលដោយ៖ ភារ៉ា

ប្រភព៖  The pattaya news

from： https://tnaot.com/km/m/detail/article/9428557