អ្នកឈ្នះពាន World Cup ឆ្នាំ១៩៩៨ កីឡាករ Frank Leboeuf និយាយថា ខ្សែប្រយុទ្ធរបស់ក្លឹប Manchester United កីឡាករ Anthony Martial អាចជំនួសតួនាទីរបស់ Griezmann បានហើយនៅក្រុមជម្រើសជាតិបារាំង។

ការលើកឡើងនេះធ្វើឡើងក្រោយការធ្លាក់ចុះទម្រង់លេងគួរអោយកត់សម្គាល់របស់Griezmann នៅក្លឹប FC Barcelona ក្រោយផ្ទេរចេញពី Atlético Madridនិងការឡើងជើងរបស់ Martial។ Leboeuf និយាយថា៖ “ជាការពិត Martialមានសមត្ថភាពគ្រប់គ្រាន់ក្នុងការដើរតួនាទីនៅតំបន់ជួរមុខ ហើយខ្ញុំគិតថា Didier Deschamps នឹងគិតអំពីរឿងនេះ។ វាជាបញ្ហាពិតមែនសម្រាប់ Griezmann នៅ Barcelona។ Giroud ក៏ចាប់ផ្តើមចាស់ហើយ ដូច្នេះយើងត្រូវគិតអំពីការជំនួសកន្លែងដ៏សំខាន់នេះ។”

គួរបញ្ជាក់ផងដែរថា Antony Martial ជាកីឡាករជម្រើសជាតិបារាំង ដែលទើបលេងបាន18ប្រកួតអោយជម្រើសជាតិបារាំង ហើយគេអាចនឹងក្លាយជាក្តីសង្ឃឹមរបស់ជម្រើសជាតិនាពេលWorld Cup ឆ្នាំ ២០២២ ខាងមុខ។

ប្រភព៖ Goal

from： https://tnaot.com/km/m/detail/article/9428018