Sign In 
ភ្នំពេញ៖ ឆ្លងចរន្តអគ្គិសនីឆាបឆេះផ្ទះល្វែងក្នុងបុរីពិភពថ្មីបង្កឲ្យមានការភ្ញាក់ផ្អើលដល់ប្រជាពលរដ្ឋដែលរស់នៅក្បែរៗនោះ។
ហេតុការណ៏ភ្ញាក់ផ្អើលខាងលើនេះបានកើតឡើងកាលពីវេលាម៉ោង៩និង៤០នាទីព្រឹកថ្ងៃទី៣ខែកញ្ញាឆ្នាំ២០២២០ស្ថិតនៅក្នុងបុរីពិភពថ្មីចំការដូងផ្ទះលេខ១៩៥ផ្លូវលេខ១៥ភូមិម័លសង្កាត់ដង្កោខណ្ឌដង្កោរាជធានីភ្នំពេញ។
ប្រភពព័ត៍មាននៅកន្លែងកើតហេតុបានឲ្យដឹងថាមុនពេលកើតហេតុម្ចាស់ផ្ទះបានចេញទៅផ្សារទុកម្តាយវ័យចំណាស់ម្នាក់ឲ្យនៅចាំផ្ទះលុះត្រលប់មកវិញក៏ឃើញមានផ្សែងនិងអណ្តាតភ្លើងហុយចេញពីជាន់ខាងលើបង្កឲ្យមានការភ្ញាក់ផ្អើលដល់បងប្អូនប្រជាពលរដ្ឋដែលនៅក្បែរៗនោះនាំគ្នាជួយយកបំពង់ពន្លត់អគ្គីភ័យជួយបាញ់ដើម្បីទប់ស្កាត់កុំឲ្យមានការរីករាលដាលដល់ផ្ទះអ្នកជិតខាង។
ក្នុងហេតុការអគ្គីភ័យខាងលើនេះសមត្ថកិច្ចបានបញ្ជូនរថយន្តពន្លត់អគ្គីភ័យមួយគ្រឿងចេញទៅជួយអន្តរាគមន៍បាញ់ទឹកអស់ទឺកចំនួន១គ្រឿងហើយអគ្គីភ័យខាងលើនេះបានរលត់ទៅវិញជាស្ថាពរនៅវេលាម៉ោង១០និង២០នាទីថ្ងៃដដែល។
សមត្ថកិច្ចបានបញ្ជាក់ឲ្យដឹងថាមូលហេតុដែលបង្កឲ្យមានអគ្គីភ័យខាងលើនេះគឺបណ្តាលមកពីឆ្លងចរន្តអគ្គីសនីនៅជាន់ខាងលើក្នុងហេតុការណ៍នេះពុំបណ្តាលឲ្យមាននណាម្នាក់រងរបួសនោះទេគ្រាន់តែខូចខាតសម្ភារៈម្ចាស់ផ្ទះមួយចំនួនប៉ុណ្ណោះ៕ដោយ៖ សួង សាម
